କନକ ବ୍ୟୁରୋ : ବୈତରଣୀ ନଦୀର ଉପର ମୁଣ୍ଡରେ ବର୍ଷା ଯୋଗୁଁ ଆଖୁଆପଦାରେ ବିପଦ ସଂକେତ ଉପରେ ରହିଛି ଜଳସ୍ତର । ଫଳରେ ଗତରାତିରେ ଯାଜପୁର ଜିଲ୍ଲା କୋରେଇ ବ୍ଲକର ରଣପୁର, ମୁକୁନ୍ଦପୁର, ବନ୍ଦାଳ, ଗୌରପୁର ଆଦି ୪ଟି ପଂଚାୟତର ୫ଟି ଗାଁରେ ବନ୍ୟାପାଣି ପ୍ରବେଶ କରିଛି ।
Kanak News is now on WhatsApp
Join and get latest news updates delivered to you via WhatsApp
ଭଦ୍ରକ ଆଖୁଆପଦାରେ ବୈତରଣୀ ନୀଦର ବିପଦ ସଂକେତ ୧୭ ଦଶମିକ ୮୩ ମିଟର ରହିଥିବାବେଳେ ବର୍ତମାନ ଏଠାରେ ଜଳସ୍ତର ୧୮ ଦଶମିକ ୮୫ ମିଟର ରହିଛି । କିନ୍ତୁ ଗତକାଲି ଅପେକ୍ଷା ଜଳସ୍ତର କମୁଥିବା ଦେଖାଯାଇଛି । କେନ୍ଦୁଝରରେ ମଧ୍ୟ ସ୍ୱାଭାବିକ ହେଉଛି ବନ୍ୟା ସ୍ଥିତି । ଆନନ୍ଦପୁରରେ ବିପଦ ସଂକେତ ତଳେ ରହିଛି ଜଳସ୍ତର । ଏଠାରେ ବିପଦ ସଂକେତ ୩୮ ଦଶମିକ ୩୬ ମିଟର ରହିଥିବାବେଳେ ବର୍ତମାନ ଜଳସ୍ତର ରହିଛି ୩୬ ଦଶମିକ ୯୨ ମିଟର ।