ଆଜି ଦ୍ୱିତୀୟ ଦିନରେ ଗଞ୍ଜାମର ବିଭିନ୍ନ ସ୍ଥାନ ବୁଲିବେ ଫାଇଭ-ଟି ସଚିବ । ଭିକେ ପାଣ୍ଡିଆନଙ୍କ ସଭାକୁ ପାଣି ବୋତଲ ମନା । ଚାଲିଛି ଘନଘନ ଯାଞ୍ଚ

କନକ ବ୍ୟୁରୋ: ଆଜି ଦ୍ୱିତୀୟ ଦିନରେ ଗଞ୍ଜାମର ବିଭିନ୍ନ ସ୍ଥାନ ଗସ୍ତ କରିବେ ଫାଇଭ-ଟି ସଚିବ । ଭଞ୍ଜନଗର, ସୋରଡ଼ା, ଆସିକା, ପୋଲସରା ଓ ଖଲିକୋଟରେ ରହିଛି କାର୍ଯ୍ୟକ୍ରମ । ତେବେ ଫାଇଭ-ଟି ସଚିବଙ୍କ ଗସ୍ତକୁ ନଜରରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଆୟୋଜିତ ସଭାସ୍ଥଳରେ ତନତନ କରି ଯାଂଚ କରି ଲୋକଙ୍କୁ ଛାଡ଼ୁଛି ପୋଲିସ । ଏପରିକି ସଚିବଙ୍କ ସଭାକୁ ପାଣି ବୋତଲ ମନା । ଯେଉଁମାନେ ପାଣି ବୋତଲ ଧରି ସଭାକୁ ଯାଉଛନ୍ତି ଯାଂଚ ସମୟରେ ତାଙ୍କ ଠାରୁ ପାଣି ବୋତଲ ରଖାଯାଉଛି । ଏପରି ବ୍ୟାଗ୍ ନେବାକୁ ବାରଣ କରାଯାଇଛି । ଏହା କଳାପୋଷକ ପିନ୍ଧିଥିବା ବ୍ୟକ୍ତିଙ୍କୁ ସଭାସ୍ଥଳକୁ ଯିବାକୁ ବାରଣ କରାଯାଇଛି । ବ୍ୟସଚିବଙ୍କ କାର୍ଯ୍ୟକ୍ରମରେ ଛାତ୍ରଛାତ୍ରୀ, ମିଶନ ଶକ୍ତି ମହିଳା ସମେତ ବିଭିନ୍ନ ବର୍ଗର ଲୋକ ସାମିଲ ହୋଇଛନ୍ତି ।