ପାଇଖାନାରେ ପିଲା, ସ୍କୁଲରେ ତାଲା: ସ୍କୁଲରେ ପିଲା ଥାଇ ବି ତାଲା ପକାଇ ପଳାଇଗଲେ ପିଅନ । ବାଲେଶ୍ୱର ମହାବୀର ସ୍କୁଲରେ ମହାଅବହେଳା
କନକ ବ୍ୟୁରୋ: ସ୍କଲରେ ପିଲା, ଗେଟରେ ତାଲା । ସ୍କୁଲରେ ପିଲା ଥିବା ସତ୍ୱେ ବି ଗେଟରେ ତାଲା ପକାଇ ପଳାଇଗଲେ ସ୍କୁଲ ପିଅନ ।ପିଲାଟି ସ୍କୁଲ ଛୁଟି ହେବାର କିଛି ସମୟ ପୂର୍ବରୁ ପାଇଖାନା ଯାଇଥିଲା । ତେବେ ପାଇଖାନାରେ ଥିବା ବେଳେ ସ୍କୁଲ ଛୁଟି ହୋଇ ଯାଇଥିଲା । ଆଉ ପିଲାଟି ସ୍କୁଲରେ ହିଁ ରହିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସ୍କୁଲ ଛୁଟି ହୋଇଥିବାରୁ ପାଇଖାନାରୁ ବାହାରି ପିଲାଟି କାହାରିକୁ ନପାଇ କାନ୍ଦିଥିଲା ଆଉ ଭୟରେ ଗେଟ ପାଖରେ ବୁଲାବୁଲି କରୁଥିଲା । ସ୍କୁଲ ପରିସର ଭିତରେ କୁନି ପିଲାକୁ ଦେଇ ଲୋକେ ପିଅନକୁ ଡାକି ବାହାର କରିଥିଲେ । ତେବେ କ୍ଲାସରୁମରେ ପିଲାର ବ୍ୟାଗ ଥିବା ସତ୍ତେ୍ୱ ମଧ୍ୟ କେମିତି ପିଅନ ଭଲଭାବେ ନଦେଖି କ୍ଲାସ ରୁମରେ ତାଲା ପକାଇ ଦେଲେ ତାହା ବଡ ପ୍ରଶ୍ନ ହୋଇ ଛିଡା ହୋଇଛି ।
ତେବେ ତାଲା ଘଟଣା ପ୍ରଘଟ ହେବା ପରେ ତଦନ୍ତ ନିର୍ଦ୍ଦେଶ ଦେଇଛି ସ୍କୁଲ ଓ ଗଣଶିକ୍ଷା ବିଭାଗ । ନିର୍ଦ୍ଦେଶ ପାଇବା ପରେ ଡିଇଓ ଘଟଣାର ତଦନ୍ତ ପାଇଁ ସିଆରସିସିଙ୍କୁ କହିଥିଲେ ଆଉ ସିଆରସିସିଙ୍କ ନେତୃତ୍ୱରେ ଏକ ଟିମ୍ ବାଲେଶ୍ୱର ମଠସାହି ମହାବୀର ନୋଡାଲ ସ୍କୁଲରେ ପହଂଚି ଘଟଣାର ଖୋଳତାଡ କରିଛି ।
ସେପଟେ ତଦନ୍ତ ପରେ କଡା କାର୍ଯ୍ୟାନୁଷ୍ଠାନ ନେବା ପାଇଁ ବାଲେଶ୍ୱର ଡିଇଓଙ୍କୁ ନିର୍ଦ୍ଦେଶ ଦେଇଛି ବିଭାଗ । ଗତକାଲି ସ୍କୁଲ ଛୁଟି ପରେ ଏଭଳି ଘଟଣା ଘଟିବା ପରେ ସାରା ଜିଲ୍ଲାରେ ସ୍କୁଲ କର୍ତ୍ତୃପକ୍ଷ ଅବହେଳାକୁ ନେଇ ହଇଚଇ ସୃଷ୍ଟି ହୋଇଛି ।