କ୍ରିକେଟ୍ ପଡିଆରେ ଅବିଶ୍ୱସନୀୟ ଦୃଶ୍ୟ : ଅମ୍ପେୟାରଙ୍କ ନଟଆଉଟ୍ ଘୋଷଣା ସତ୍ୱେ କ୍ରିଜ୍ ଛାଡିଲେ ଭାରତୀୟ ମହିଳା କ୍ରିକେଟର
ଭାରତ ଅଷ୍ଟ୍ରେଲିଆ ଟେଷ୍ଟ ମ୍ୟାଚ୍ ବେଳେ ପୁନମ୍ ରାଉତଙ୍କ ଖେଳୁଆଡୁ ମନୋଭାବକୁ ନେଇ ଚର୍ଚ୍ଚା
କନକ ବ୍ୟୁରୋ : କିକ୍ରେଟ ପଡ଼ିଆରେ ଅଧିକାଂଶ ସମୟରେ ପ୍ରତିପକ୍ଷ ଖେଳାଳୀଙ୍କୁ ଆରୋପ ପ୍ରତ୍ୟାରୋପ କରୁଥିବାର ଦୃଶ୍ୟ ଦେଖିବାକୁ ମିଳେ । ବିଶେଷକରି ଆଉଟ ଏବଂ ନଟ୍ ଆଉଟକୁ ନେଇ ସବୁବେଳେ ବିବାଦ ଲାଗି ରହେ । କିନ୍ତୁ ମହିଳା କ୍ରିକେଟରେ ଏହାର ଏକ ବିପରିତ ଦୃଶ୍ୟ ଦେଖିବାକୁ ମିଳିଛି । ଭାରତୀୟ ଖେଳାଳୀ ପୁନମ ରାଉତ ଅମ୍ପ୍ୟୟାରଙ୍କ ଦ୍ୱାରା ନଟ୍ ଆଉଟ ଘୋଷିତ ହୋଇଥିଲେ ମଧ୍ୟ ପିଚ୍ ଛାଡିଦେଇଥିଲେ । ଯାହାକୁ ନେଇ ଏବେ ସବୁ ଆଡୁ ପୁନମଙ୍କୁ ପ୍ରଶଂସା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
କ୍ରିକେଟ ଅଷ୍ଟ୍ରେଲିଆ ନିଜ ଟୁଇଟର ହ୍ୟାଣ୍ଡେଲରୁ ଏହି ସମୟର ଭିଡିଓ ପୋଷ୍ଟ କରିବା ପରେ ପୁନମଙ୍କୁ ସବୁଆଡୁ ପ୍ରଶଂସା କରାଯାଉଛି । ଗତକାଲି କରାରାରେ ଅଷ୍ଟ୍ରେଲିଆ ଏବଂ ଭାରତ ମହିଳା କ୍ରିକେଟ ଟିମ ମଧ୍ୟରେ ଟେଷ୍ଟ ମ୍ୟାଚ ଚାଲିଥିଲା । ଭାରତ ପକ୍ଷରୁ ପୁନମ ରାଉତ ବ୍ୟାଟିଂ କରୁଥିବା କରୁଥିବା ବେଳେ ବଲଟି ତାଙ୍କ ବ୍ୟାଟରେ ବାଜି କିପରଙ୍କ ହାତକୁୁ ଚାଲିଯାଇଥିଲା । ଅଷ୍ଟ୍ରେଲିଆ ଖେଳାଳୀମାନେ କଟ୍ ବିହାଇଣ୍ଡ କରିଥିବା ନେଇ ଜୋରଦାର ଅପିଲ କରିଥିଲେ ମଧ୍ୟ ଅମ୍ପାୟାର ଏହାକୁ ନାକଜ ଘୋଷଣା କରି ଦେଇଥିଲେ । ରିଭ୍ୟୁ ବିକଳ୍ପ ନ ଥିବାରୁ ଅଷ୍ଟ୍ରେଲିଆ ଖେଳାଳୀମାନେ ଚୁପ୍ ରହିଥିଲେ । ହେଲେ ପୁନମ ସ୍ୱଭାବିକ୍ ଭାବେ କ୍ରିଜ୍ ଛାଡି ପ୍ୟାଭିଲିୟନ ଫେରିଯାଇଥିଲେ । ତାଙ୍କ ମନରେ କୌଣସି ଅସନ୍ତୋଷର ଚିହ ବର୍ଣ୍ଣ ଦେଖିବାକୁ ମିଳିନଥିଲା ।