ପଦାରେ ପଡିଗଲା ୱାର୍ଡ ମେମ୍ବରଙ୍କ ଲାଂଚ କାରବାର । ଗୁହାଳ ଘର ବିଲ ପାସ କରାଇ ଦେବାକୁ ଲାଂଚ ମାଗିଲେ ୱାର୍ଡ଼ ମେମ୍ବର, ପ୍ରତିବାଦ କରି ଆତ୍ମହତ୍ୟା ପାଇଁ ରାସ୍ତାରେ ଶୋଇଲେ ସ୍ୱାମୀ ଓ ସ୍ତ୍ରୀ
କନକ ବ୍ୟୁରୋ : ଗୁହାଳ ଘର ବିଲ ପାସ କରାଇ ଦେବାକୁ ଲାଂଚ ମାଗିଲେ ୱାର୍ଡ଼ ମେମ୍ବର । ଆଉ ଏହାର ପ୍ରତିବାଦ କରି ଆତ୍ମହତ୍ୟା ପାଇଁ ରାସ୍ତାରେ ଶୋଇଲେ ସ୍ୱାମୀ ଓ ସ୍ତ୍ର । ବାଲେଶ୍ୱର ଜିଲ୍ଲା ବାହାନାଗା ବ୍ଲକ ଦାଣ୍ଡହରିପୁର ପଂଚାୟତର ଅସିମିଳା ଗାଁର ଶରତ ଗୋଛାୟତଙ୍କ ନାଁରେ ଏକ ଗୁହାଳ ଘର ମିଳିଥିଲା । କାର୍ଯ୍ୟାଦେଶ ସଂଖ୍ୟା-୦୮ ଓ ଏହାକୁ ଗତ ଜୁଲାଇ ୨୫ ତାରିଖରେ ଶରତଙ୍କୁ ପ୍ରଦାନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ହେଲେ ଘର କାମ ସରିଯାଇଥିଲେ ମଧ୍ୟ ବିଲ ପାଇଁ ବ୍ଲକ କାର୍ଯ୍ୟାଳୟକୁ ବାରମ୍ବାର ଦୌଡ଼ିଥିଲେ ମଧ୍ୟ ଶରତଙ୍କର ନାଁରେ ବିଲ ପାସ ହୋଇନଥିଲା । ତେବେ ୱାର୍ଡ଼ ମେମ୍ବର ବଳରାମ ମଲିକ୍ ତାଙ୍କୁ ୧୩ ହଜାର ଟଙ୍କା ଦେଲେ ବିଲ ପାସ କରାଇଦେବେ ନହେଲେ ବ୍ଲକ ଯାଇ ନୟାନ୍ତ ହେବେ ବୋଲି ତାଙ୍କୁ ବୁଝାଇଥିଲେ । ଏନେଇ ବିଡ଼ିଓଙ୍କ ନିକଟରେ ଅଭିଯୋଗ କରିବା ସହ ଆତ୍ମହତ୍ୟା ପାଇଁ ରାସ୍ତାରେ ଶୋଇ ରହିଛନ୍ତି ଶରତ ଓ ତାଙ୍କ ପତ୍ନି ।