କନକ ବ୍ୟୁରୋ: କଣ ସତରେ ପାକିସ୍ତାନ ପରମାଣୁ ଅସ୍ତ୍ର ପରୀକ୍ଷଣ କରୁଛି? କଣ ସତରେ ଚୀନ୍ ପାକିସ୍ତାନକୁ ପରମାଣୁ ଅସ୍ତ୍ର ପରୀକ୍ଷଣରେ ସାଥ୍ ଦେଉଛି? ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏମିତି କିଛି ଦାବି କରିଛନ୍ତି ଯାହାକୁ ନେଇ ପୁଣି ଏକ ଚର୍ଚ୍ଚା ଆଲୋଚନା ଆରମ୍ଭ ହୋଇଯାଇଛି । ଟ୍ରମ୍ପ ଦାବି କରିଛନ୍ତି, ପାକିସ୍ତାନ ଏବଂ ଚୀନ୍ ପରମାଣୁ ପରୀକ୍ଷଣ କରୁଛନ୍ତି । ଟ୍ରମ୍ପଙ୍କ ଏହି ଦାବି ସାରା ବିଶ୍ୱରେ ତୀବ୍ର ଅସନ୍ତୋଷ ସୃଷ୍ଟି କରିଛି । ପାକିସ୍ତାନ ଏବେ ଟ୍ରମ୍ପଙ୍କ ବୟାନର ଜବାବ ଦେଇ କହିଛି ଯେ ଏହା ପରମାଣୁ ପରୀକ୍ଷଣ ପୁନଃ ଆରମ୍ଭ କରିବାରେ ପ୍ରଥମ ଦେଶ ନୁହେଁ । 

Advertisment

ସିବିଏସ୍ ନ୍ୟୁଜ୍ ରିପୋର୍ଟ ଅନୁଯାୟୀ, ଜଣେ ବରିଷ୍ଠ ପାକିସ୍ତାନୀ ସୁରକ୍ଷା ଅଧିକାରୀ କହିଛନ୍ତି, "ପାକିସ୍ତାନ ପରମାଣୁ ପରୀକ୍ଷଣ ପୁନଃ ଆରମ୍ଭ କରିବାରେ ପ୍ରଥମ ଦେଶ ନୁହେଁ । ପାକିସ୍ତାନ ପୂର୍ବରୁ ଅନେକ ଦେଶ ପରମାଣୁ ପରୀକ୍ଷଣ କରିଛନ୍ତି । "ଗୁରୁତ୍ୱପୂର୍ଣ୍ଣ କଥା ହେଉଛି, ପାକିସ୍ତାନର ପରମାଣୁ ପରୀକ୍ଷଣ ଭାରତକୁ ତାର ଶକ୍ତି ପ୍ରଦର୍ଶନ କରିବାର ସୁଯୋଗ ପ୍ରଦାନ କରେ । 

ନଭେମ୍ବର ୨୯ ରେ ପରାଜୟର ଲୁହ, ନଭେମ୍ବର ୨ ରେ ଖୁସିର ଲୁହ: ବିଜୟ ପରେ ଇମୋସନାଲ୍ ହେଲେ ହିଟମ୍ୟାନ୍

ଋଷ, ଚୀନ୍ ଏବଂ ପାକିସ୍ତାନ ବିଷୟରେ ଟ୍ରମ୍ପ୍ କ’ଣ କହିଲେ?
ରବିବାର ଟ୍ରମ୍ପ୍ ପରମାଣୁ ଅସ୍ତ୍ର ପରୀକ୍ଷଣ କରିଥିବା ଦେଶମାନଙ୍କ ମଧ୍ୟରେ ଋଷ, ଚୀନ୍, ଉତ୍ତର କୋରିଆ ଏବଂ ପାକିସ୍ତାନର ନାମ ନେଇଥିଲେ । ସେ କହିଥିଲେ, " ଋଷ ଏବଂ ଚୀନ୍ ପରୀକ୍ଷଣ କରୁଛନ୍ତି, କିନ୍ତୁ ସେମାନେ ଏହା ବିଷୟରେ କଥାବାର୍ତ୍ତା କରନ୍ତି ନାହିଁ । ନିଶ୍ଚିତ ଭାବରେ ଉତ୍ତର କୋରିଆ ପରୀକ୍ଷଣ କରୁଛି । ପାକିସ୍ତାନ ମଧ୍ୟ ପରୀକ୍ଷଣ କରୁଛି । "

ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଗତ ସପ୍ତାହରେ କହିଥିଲେ, ଋଷ ପୋସେଡନ୍ ପରମାଣୁ କ୍ଷମତାସମ୍ପନ୍ନ "ସୁପର ଟର୍ପେଡୋ" ପରୀକ୍ଷଣ କରିଛି । ଏହା ପରେ, ଆମେରିକା ରାଷ୍ଟ୍ରପତି କହିଥିଲେ, "ଅନ୍ୟାନ୍ୟ ଦେଶ ପରୀକ୍ଷଣ କରନ୍ତି, ଏବଂ ଆମେ ପରୀକ୍ଷଣ କରୁନାହୁଁ । ଆମକୁ ପରୀକ୍ଷଣ କରିବାକୁ ପଡିବ । "କିଛି ଦିନ ପୂର୍ବରୁ ଋଷ ମଧ୍ୟ ଏକ ଧମକ ଦେଇଥିଲା, ଆଉ କହିଥିଲା, ଆମେ ଏକ ଭିନ୍ନ ସ୍ତରର ପରୀକ୍ଷଣ କରିବାକୁ ଯୋଜନା କରୁଛୁ ।

ପାକିସ୍ତାନ କେବେ ପ୍ରଥମ ପରମାଣୁ ପରୀକ୍ଷଣ କରିଥିଲା?
ବିଶ୍ୱ ମାନଚିତ୍ରରେ ନଅଟି ପରମାଣୁ ଅସ୍ତ୍ରଶସ୍ତ୍ର ବିଶିଷ୍ଟ ଦେଶ ଅଛନ୍ତି । ଭାରତ ଏବଂ ପାକିସ୍ତାନ ମଧ୍ୟ ଏହି ତାଲିକାରେ ଅନ୍ତର୍ଭୁକ୍ତ । ପାକିସ୍ତାନ ମେ ୧୯୯୮ ରେ ପ୍ରଥମ ପରମାଣୁ ପରୀକ୍ଷଣ କରିଥିଲା । NTI ରିପୋର୍ଟ ଅନୁଯାୟୀ, ପାକିସ୍ତାନ ଏପର୍ଯ୍ୟନ୍ତ ମୋଟ ଛଅଟି ପରମାଣୁ ପରୀକ୍ଷଣ କରିଛି । ଏବଂ ପାକିସ୍ତାନ ୧୭୦ ଟି ପରମାଣୁ ଅସ୍ତ୍ର ରଖିଥିବା ଦାବି କରୁଛି ।