ଭାରତ ଆଣିବ s-500, ଋଷ ଦେଲା ହାଇଟେକ୍ ହତିଆର୍‌ର ଅଫର୍

କନକ ବ୍ୟୁରୋ : ଏସ୍-୪୦୦ ଏହାର ଶକ୍ତି କେତେ ତାହା ଅପରେସନ୍ ସିନ୍ଦୂର ସମୟରେ ସାରା ବିଶ୍ବ ଦେଖିସାରିଛି । ପାକିସ୍ତାନର ସବୁ ମିସାଇଲ୍ ଏବଂ ଡ୍ରୋନକୁ କେମିତି ଆକାଶ ମାର୍ଗରେ ହିଁ ଧ୍ୱଂଶ କରିଦେଇଥିଲା, ତାହାର ଦୃଶ୍ୟ ଏବେ ବି ଆଖିରୁ ଲିଭିନି । ଋଷରୁ ଆସିଥିବା ଏସ୍-୪୦୦ ଭାରତର ସୁଦର୍ଶନ ଚକ୍ର ପାଲଟିଥିବା ବେଳେ ଏବେ ଆଉ ଏକ ହାଇଟେକ୍ ଅସ୍ତ୍ରର ଅଫର ଦେଇଛି ଋଷ । 

ଭାରତ ଆଣିବ କି ଏସ୍-୫୦୦?  
ପହଲଗାମ୍ ଆତଙ୍କବାଦୀ ଆକ୍ରମଣ ପରେ ହୋଇଥିବା ଭାରତ-ପାକ୍ ବିବାଦରେ, ଋଷଠାରୁ କିଣାଯାଇଥିବା ଅସ୍ତ୍ରଶସ୍ତ୍ର ଭଲ ପ୍ରଦର୍ଶନ କରିଥିଲା । ବିଶେଷକରି ଋଷର S-400 ବାୟୁ ପ୍ରତିରକ୍ଷା ପ୍ରଣାଳୀ ୨୫୦ କିଲୋମିଟରରୁ ଅଧିକ ଦୂରତାରେ ଉଡ଼ୁଥିବା ଏକ ପାକିସ୍ତାନୀ AWACS ବିମାନକୁ ଖସାଇ ଦେଇଥିଲା । ଏହା ବ୍ୟତୀତ, ଏହି ଆଣ୍ଟି ମିସାଇଲ୍ ସିଷ୍ଟମ୍ ପାକିସ୍ତାନୀ ଡ୍ରୋନ୍, କ୍ଷେପଣାସ୍ତ୍ର ଏବଂ ଯୁଦ୍ଧ ବିମାନର ସଠିକ୍ ଲୋକେସନ୍ ପ୍ରଦାନ କରିଥିଲା । ଏପରି ପରିସ୍ଥିତିରେ, ଋଷ ଚାହୁଁଛି ଯେ ଭାରତ ତା'ର ଆବଶ୍ୟକତା ଅନୁସାରେ ଅଧିକ ଅସ୍ତ୍ରଶସ୍ତ୍ର କିଣୁ । 
ରୁଷ ଭାରତକୁ ସୁଖୋଇ Su-57 ଲଢ଼ୁଆ ବିମାନ, ସୁଖୋଇ su-35 ଜେଟ୍, ଆକାଶରୁ ଆକାଶକୁ ନିକ୍ଷେପ କରାଯାଉଥିବା R-37 କ୍ଷେପଣାସ୍ତ୍ର ଏବଂ S-500 ଆଣ୍ଟି ମିସାଇଲ୍ ସିଷ୍ଟମ୍ କିଣିବା ପାଇଁ ଅଫର ଦେଇଛି । ଭାରତକୁ ଏହି ଅସ୍ତ୍ରଶସ୍ତ୍ରର ଅତ୍ୟନ୍ତ ଆବଶ୍ୟକତା ଅଛି, କିନ୍ତୁ ଅନେକ କାରଣ ଯୋଗୁଁ ଭାରତ ଏପର୍ଯ୍ୟନ୍ତ  ଋଷଠାରୁ କୌଣସି ନୂତନ ଅସ୍ତ୍ରଶସ୍ତ୍ର କିଣିବାକୁ ସହମତି ପ୍ରକାଶ କରିନାହିଁ, ଏହା ଉପରେ ଏବେବି ବିଚାର ଚାଲିଛି ।  

ବୈପ୍ଳବିକ ପରିବର୍ତ୍ତନ ଆଣିପାରିବ 'Su-57’ 
ଋଷିଆନ୍ ଗଣମାଧ୍ୟମ ସ୍ପୁଟନିକ୍ ସହ ଆଲୋଚନା ସମୟରେ, ସେଣ୍ଟର ଫର୍ ଆନାଲିସିସ୍ ଅଫ୍ ୱାର୍ଲ୍ଡ ଆର୍ମସ୍ ଟ୍ରେଡ୍‌ର ନିର୍ଦ୍ଦେଶକ ଏବଂ ଋଷିଆନ୍ ନ୍ୟାସନାଲ୍ ଡିଫେନ୍ସ ପତ୍ରିକାର ସମ୍ପାଦକ କହିଛନ୍ତି, ଋଷର ପ୍ରମୁଖ ଷ୍ଟିଲ୍‌ଥ୍ ଏୟାରକ୍ରାଫ୍ଟ  Su-57 ସହିତ ଦୂରଗାମୀ R-37 କ୍ଷେପଣାସ୍ତ୍ର ଏବଂ S-500 ବାୟୁ ପ୍ରତିରକ୍ଷା ପ୍ରଣାଳୀ ଭାରତୀୟ ସେନା ପାଇଁ ଘାତକ ଅସ୍ତ୍ର ସାବ୍ୟସ୍ତ ହୋଇପାରେ। ସେ ଏହା ମଧ୍ୟ କହିଛନ୍ତି ଯେ ଅନେକ ରିପୋର୍ଟରେ ଦାବି କରାଯାଇଛି ଯେ ଭାରତ S-400 କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀର ଅନେକ ନୂତନ ରେଜିମେଣ୍ଟ କ୍ରୟ କରିବାର ସମ୍ଭାବନା ଉପରେ ବିଚାର କରୁଛି । 

S-500 କୁ ନେଇ ଋଷର ବଡ଼ ଦାବି
ଋଷ ଦାବି କରିଛି ଯେ S-500 ହାଇପରସୋନିକ୍ ଅସ୍ତ୍ରଶସ୍ତ୍ରକୁ ମଧ୍ୟ ଅଟକାଇବାରେ ସକ୍ଷମ ଏବଂ ଏହାର ସଫଳ ପରୀକ୍ଷଣ ହୋଇସାରିଛି । ସୁଖୋଇ Su-57 ହେଉଛି ଏକ ଡବଲ-ଇଞ୍ଜିନ୍ ଷ୍ଟିଲ୍ଥ ମଲ୍ଟିରୋଲ୍ ଲଢ଼ୁଆ ବିମାନ । Su-57 ହେଉଛି ଷ୍ଟିଲ୍ଥ ଟେକନିକ୍ ସହିତ ଡିଜାଇନ୍ କରାଯାଇଥିବା ଋଷର ପ୍ରଥମ ବିମାନ । ଏହି ଲଢ଼ୁଆ ବିମାନ ଆକାଶରେ ଯୁଦ୍ଧ ଲଢ଼ିବା ସହିତ ସ୍ଥଳ ଏବଂ ସମୁଦ୍ରରେ ମଧ୍ୟ ଆକ୍ରମଣ କରିବାରେ ସକ୍ଷମ ।

ଛାନିଆରେ ପାକିସ୍ତାନ୍ 
ଅପରେସନ୍ ସିନ୍ଦୂର ସମୟରେ ଏସ୍-୪୦୦ର ଶକ୍ତି ଦେଖିସାରିଛି ପାକିସ୍ତାନ୍ । ଯେତେ ଚେଷ୍ଟା କରିବା ସତ୍ବେ ବି ଭାରତ ଉପରେ ଗୋଟିଏ ବି ମିସାଇଲ୍ ମାଡ଼ କରିପାରିଲାନି ଶତ୍ରୁ ପାକିସ୍ତାନ । ଆଉ ଏବେ ଭାରତକୁ ଋଷ ଏସ୍-୫୦୦ କିଣିବାକୁ ଅଫର ଦେବା ପରେ ଛାନିଆ ହୋଇଉଠିଛି ପାକିସ୍ତାନ...