କନକ ବ୍ୟୁରୋ: କେବେ ଆପଣ ପଛୁଆ ଚାଲିବାକୁ ଚେଷ୍ଟା କରିଛନ୍ତି? ଆଶ୍ଚର୍ଯ୍ୟ ଲାଗିଲେ ବି ବିଶେଷଜ୍ଞମାନେ ଏହାକୁ ଅତି ହିତକର ବ୍ୟାୟାମ ବୋଲି ପ୍ରମାଣିତ କରିଛନ୍ତି । ବୈଜ୍ଞାନିକଙ୍କ କହିବା ମୁତାବକ, ପଛୁଆ ଚାଲିବା ମସ୍ତିଷ୍କ ଓ ହୃତପିଣ୍ଡ ପାଇଁ ବେଶ ଲାଭଦାୟୀ । ସେତିକି ନୁହେଁ ଏହା ଆପଣଙ୍କ ମେଟାବୋଲିଜିମକୁ ପ୍ରୋତ୍ସାହିତ କରିବା ସହିତ ଆଗୁଆ ଚାଲିବା ତୁଳନାରେ ଅଧିକ କ୍ୟାଲୋରୀ ଖର୍ଚ୍ଚ କରିବାରେ ସହାୟକ ହୋଇଥାଏ । ଏହାଦ୍ୱାରା ଶରୀରର ମେଦବହୁଳତା ହ୍ରାସ ପାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଜନୈକ ସ୍ୱାସ୍ଥ୍ୟ ବିଶେଷଜ୍ଞ ଲୋରୀ ଶେମେକଙ୍କ କହିବା ମୁତାବକ, ୧୦୦ ପାଦ ପଛୁଆ ଚାଲିବା ୧୦୦୦ ପାଦ ଆଗକୁ ଚାଲିବା ସହ ସମାନ । ଏହାକୁ ରୋଟ୍ରୋ ୱାକିଂ କୁହାଯାଏ । ପଛୁଆ ଚାଲିବା ଦ୍ୱାରା ଆମ ହୃତପିଣ୍ଡର କାର୍ଯ୍ୟଦକ୍ଷତା ବଢିଥାଏ ଏବଂ ଶରୀରରେ ରକ୍ତ ସଞ୍ଚାଳନ ଠିକ ଭାବେ ହୋଇଥାଏ । ଫଳରେ ମସ୍ତିଷ୍କ ସହ ମାଂସପେଶୀ ଓ ଅନ୍ୟ ଅଙ୍ଗକୁ ଅଧିକ ପରିମାଣର ଅମ୍ଳଜାନ ସଞ୍ଚାଳନ ହୋଇଥାଏ ।
ୟୁନିଭର୍ସିଟି ଅଫ୍ ସିନସିନାତି ଗାର୍ଡନର ନ୍ୟୁରୋସାଇନ୍ସ ଇନଷ୍ଟିଚ୍ୟୁଟର ଜଣେ ଗବେଷକ କହିଛନ୍ତି ଯେ, ପଛୁଆ ଚାଲିବା ଅଭ୍ୟାସ କରିବା ଷ୍ଟ୍ରୋକର ଶିକାର ହୋଇଥିବା ବ୍ୟକ୍ତିଙ୍କୁ ପୁନର୍ବାର ଚାଲିବାରେ ସାହାଯ୍ୟ କରିପାରେ । ପଛୁଆ ଚାଲିବା ଦ୍ୱାରା ହାତଗୋଡର ଭାରସାମ୍ୟ ରକ୍ଷା କରିବାର ଦକ୍ଷତା ବଢିଥାଏ । ଏକାଧିକ ଅନୁଧ୍ୟାନରୁ ସ୍ପଷ୍ଟ ହୋଇଛି ଯେ, ପଛୁଆ ଚାଲିବା ଦ୍ୱାରା ଆଣ୍ଠୁ ଅଷ୍ଟିଓଆର୍ଥ୍ରାଇଟିସ୍ ରୋଗୀଙ୍କ ଲକ୍ଷଣରେ ସୁଧାର ଆସିପାରେ ।