କନକ ବ୍ୟୁରୋ : ପଞ୍ଚମ ପର୍ଯ୍ୟାୟ ନିର୍ବାଚନ ପାଇଁ ଆରମ୍ଭ ହୋଇଛି ମତଦାନ । ହେଭିୱେଟ୍ ନେତାଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଜନତା । ଆଜି ୭ଟି ରାଜ୍ୟର ୫୧ଟି ଲୋକସଭା ଆସନ ପାଇଁ ଭୋଟଗ୍ରହଣ ହେଉଛି । ଏହି ଆସନ ଗୁଡିକ ମଧ୍ୟରେ ଉତ୍ତରପ୍ରଦେଶର ୧୪ଟି, ବିହାରର ୫ଟି, ରାଜସ୍ଥାନର ୧୨ଟି, ଜାମ୍ମୁକାଶ୍ମୀରର ୨ଟି, ମଧ୍ୟପ୍ରଦେଶର ୭ଟି, ପଶ୍ଚିମବଙ୍ଗର ୭ଟି, ଝାରଖଣ୍ଡର ୪ଟି ଆସନ ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି, ଆଜି ଯେଉଁ ସବୁ ସଂସଦୀୟ କ୍ଷେତ୍ରରେ ନିର୍ବାଚନ ହେବାକୁ ଯାଉଛି, ସେହି ଆସନ ଗୁଡିକରେ ୨୦୧୪ ନିର୍ବାଚନରେ ବିଜେପି ଖାତାକୁ ଯାଇଥିଲା ଅଧିକ ଆସନ । ଏଥର ମଧ୍ୟ ବିଜେପି ଅଧିକ ସିଟ୍ ଅକ୍ତିଆର କରିବା ପାଇଁ ଜୋରଦାର ପ୍ରୟାସ କରିଥିବା ବେଳେ କଂଗ୍ରେସ ମଧ୍ୟ ବଡ କସରତ କରିଛି । ଗତ ଥର ଆମେଠି ଏବଂ ରାୟବରେଲିରେ କଂଗ୍ରେସ ବଡ ବିଜୟ ହାସଲ କରିଥିଲା । ଆମେଠିରୁ ରାହୁଲ ଗାନ୍ଧି କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ୧ ଲକ୍ଷରୁ ଅଧିକ ଭୋଟରେ ପରାସ୍ତ କରିଥିଲେ । ସେହିପରି ସୋନିଆ ଗାନ୍ଧି ମଧ୍ୟ ରାୟବରେଲିରୁ ବିପୁଳ ଭୋଟ୍ ପାଇ ବିଜୟ ହୋଇଥିଲେ । ୧୯ ନିର୍ବାଚନରେ ଏହି ଦୁଇଟି ଆସନରେ ମଧ୍ୟ ଆଜି ମତଦାନ ହେଉଛି ।