ପୁଣି ବଲାଙ୍ଗୀରରେ ପ୍ରଚାର ବେଳେ ନେତାଙ୍କୁ ବିରୋଧ: ଲୋଇସିଂହାର ବିଭିନ୍ନ ସ୍ଥାନରେ କଳାପତାକା ଦେଖାଇଲେ ଆଦିବାସୀ ଓ ଓବିସି ଜନତା

କନକ ବ୍ୟୁରୋ: ପୁଣି ପ୍ରଚାର ବେଳେ ବିଜେଡି ନେତାଙ୍କୁ ବିରୋଧ । ବଲାଙ୍ଗୀର ଜିଲ୍ଲା ଲୋଇସିଂହାର ବିଭିନ୍ନ ସ୍ଥାନରେ କଳାପତାକା ଦେଖାଇ ବିରୋଧ କରିଛନ୍ତି ଆଦିବାସୀ ଓ ଓବିସି ଜନତା । ଲୋକଙ୍କ ପ୍ରବଳ ବିରୋଧ ଯୋଗୁଁ ପ୍ରଚାର କରି ନପାରି ଫେରିଗଲେ ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ, ବ୍ଲକ ସଭାପତି ହୃଦାନନ୍ଦ ବେହେରା, ନିହାର ରଂଜନ ବେହେରାଙ୍କ ସମେତ ବିଜେଡି କର୍ମୀମାନେ ।

ଲୋଇସିଂହା ୩୩ ନମ୍ବର ଜୋନର ବିଜେଡି ଜିଲ୍ଲା ପରିଷଦ ପ୍ରାର୍ଥୀ ଲିଲିମା ବେହେରାଙ୍କ ପାଇଁ ପ୍ରଚାର କରିବାକୁ ଯାଇଥିଲେ ଏମାନେ । ତେବେ ଗତକାଲି ମାନେ ମଧ୍ୟ ଏଭଳି ବିରୋଧର ସାମ୍ନା କରିଥିଲେ ପୂର୍ବତନ ସାଂସଦ କଳିକେଶ ନାରାୟଣ ସିଂହଦେଓ । କାଲି ମଧ୍ୟ ଅଧାରୁ ତାଙ୍କ ପ୍ରଚାର ବନ୍ଦ ରହିଥିଲା ।