ଭୋଟ ମାଗିବାକୁ ଯାଇଥିଲେ ନେତା, ପ୍ରଶ୍ନ ପଚାରିଲେ ଜନତା । ସବୁଥର ଭଳି ମିଳିଲା ପ୍ରତିଶ୍ରୁତିର ପୁଡିଆ । 

159

କନକ ବ୍ୟୁରୋ : ଉପନିର୍ବାଚନରେ ଲୋକଙ୍କ ମନ ଜିଣିବା ପାଇଁ ଘର ଘର ବୁଲି ପ୍ରଚାର କରୁଛନ୍ତି ତିନି ପ୍ରମୁଖ ଦଳର ପ୍ରାର୍ଥୀ । ହେଲେ ଆଜି ବାଲେଶ୍ୱରରେ ଯେତେବେଳେ ବିଜେଡି ପ୍ରାର୍ଥୀ ସ୍ୱରୂପ ଦାସ ପ୍ରଚାରରେ ବାହାରିଥିଲେ ସେତେବେଳେ ତାଙ୍କୁ ପ୍ରଶ୍ନ କରିଥିଲେ ଜନତା । ପଚାରିଥିଲେ ତାଙ୍କ ଅଞ୍ଚଳକୁ କାହିଁକି ବିଜୁଳି ସଂଯୋଗ ଦିଆଯାଇନାହିଁ । ଏହାର ଉତର ରଖିଥିଲେ ନେତା ।

ଭୋଟରଙ୍କ ହୃଦୟ ଜିଣିବା ପାଇଁ ଆଜି ଯେତେବେଳେ ବିଜେଡି ପ୍ରାର୍ଥୀ ସ୍ୱରୂପ ଦାସ ପ୍ରଚାରରେ ବାହାରିଥିଲେ ସେତେବେଳେ ଭୋଟର ବି ଜାଣିବାକୁ ଚାହିଁଥିଲେ ପ୍ରାର୍ଥୀଙ୍କ ହୃଦୟରେ କଣ ଅଛି ।ଭୋଟର ଜାଣିବାକୁ ଚାହିଁଥିଲେ କାହିଁକି ତାଙ୍କ ଅଂଚଳରେ ବିଦ୍ୟୁତ୍ ସଂଯୋଗ ହୋଇପାରିନାହିଁ ।  ଆଉ ସ୍ୱରୂପ ଏହାର ଉତର ବି ରଖିଥିଲେ । ସ୍ୱରୂପ ବିଦ୍ୟୁତ ପହଞ୍ଚାଇବାକୁ ସବୁ ପ୍ରକ୍ରିୟା ସରିଛି । କିଛି ଘଣ୍ଟା ମଧ୍ୟରେ ହିଁ ବିଦ୍ୟୁତ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ସ୍ୱରୂପ ।

ବିଜେପି ମଧ୍ୟ ପ୍ରଚାରକୁ ଜୋରଦାର କରିଛି । ବିଜେପି ପ୍ରାର୍ଥୀ ମାନସ ଦତ୍ତ ଘର ଘର ବୁଲି ପ୍ରଚାର କରୁଥିବାବେଳେ ମଇଦାନକୁ ଓହ୍ଲାଇଛନ୍ତି ରାଜ୍ୟ ସଭାପତି ସମୀର ମହାନ୍ତି । ବିଜେଡି ପକ୍ଷରୁ ଦିଆଯାଇଥିବା ପ୍ରତିଶ୍ରୁତି କିଭଳି ଶାସକ ଦଳ ପୂରଣ କରି ନାହିଁ ତାକୁ ପ୍ରସଙ୍ଗ କରି ପୁଣି ଥରେ ଏହି ନିର୍ବାଚନମଣ୍ଡଳୀକୁ ନିଜ ଦଖଲକୁ ନେବାକୁ ସ୍ୱତନ୍ତ୍ର ରଣନୀତି କରିଛି ଭାରତୀୟ ଜନତା ପାର୍ଟି ।

ସେପଟେ ବାଲେଶ୍ୱରରୁ କଂଗ୍ରେସ ପ୍ରାର୍ଥୀ ମମତା କୁଣ୍ଡୁ ମଧ୍ୟ ପ୍ରଚାରକୁ ଜୋରଦାର କରିଛନ୍ତି । ବିଶେଷକରି ସୋସିଆଲ ମିଡିଆରେ ପ୍ରଚାର କରି ଅଧିକରୁ ଅଧିକ ଲୋକଙ୍କ ନିକଟରେ ପହଁଚିବାକୁ ରଣନୀତି ପ୍ରସ୍ତୁତ କରିଛି କଂଗ୍ରେସ । ଏଥିପାଇଁ କଂଗ୍ରେସ କର୍ମୀଙ୍କ ୁସ୍ୱତନ୍ତ୍ର ପ୍ରଶିକ୍ଷଣ ଦେଇଛନ୍ତି କଂଗ୍ରେସ ସୋସିଆଲ ମିଡିଆ ସେଲ୍ ମୁଖ୍ୟ । ସେପଟେ ତିର୍ତୋଲରେ ମଧ୍ୟ କଂଗ୍ରେସ ୱାର ରୁମ୍ କରି ସୋସିଆଲ ମିଡିଆରେ ପ୍ରଚାରକୁ ଗୁରୁତ୍ୱ ଦେଇଛି । ଏହି ଉପନିର୍ବାଚନରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ୨୩ ଓ ୨୪ ତାରିଖରେ ସଭା କରିବା ସହ ଶୋଭାଯାତ୍ରା କରିବେ । ସେହିପରି କଂଗ୍ରେସ ପ୍ରାର୍ଥୀଙ୍କ ପାଇଁ ୨୧ ତାରିଖରେ ପିସିସି ପ୍ରଭାରୀ ଏ ଚେଲା କୁମାର ପ୍ରଚାର କରିବେ । ବିଜେଡି ସୁପ୍ରିମ ମଧ୍ୟ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିପାରନ୍ତି ।

 

Comments are closed.