କନକ ବ୍ୟୁରୋ : ରାଜ୍ୟସଭା ନିର୍ବାଚନରେ ଦଳର ଅଦେଶକୁ ଅବମାନନା କରିଥିବା ୭ ଜଣ ବିଧାୟକଙ୍କୁ ନିଲମ୍ବିତ କରିଛି ବିଏସପି । ଏନେଇ ବିଏସପି ଅଧ୍ୟକ୍ଷ ମାୟାବାତି ବିଧି ବଧ ଘୋଷଣା କରିଛନ୍ତି । ଏହାସହିତ ମାୟାବତୀ କହିଛନ୍ତି କି ପୌର ନିର୍ବାଚନରେ ବିଏସପି ଜେସା କୁ ତେଶା ନିତୀ ଆପଣାଇବ । ବିଜେପିକୁ ଭୋଟ ଦେବାର ଆବଶ୍ୟକତା ପଡିଲେ ତାହା ବି କରାଯିବ ।
Kanak News is now on WhatsApp
Join and get latest news updates delivered to you via WhatsApp
ନିଲମ୍ବିତ ହୋଇଥିବା ବିଧାୟକ ମାନଙ୍କ ମଧ୍ୟରେ ଅଛନ୍ତି ଅସଲମ୍ ଶାହାନୀ, ଅସଲମ୍ ଅଲ୍ଲୀ,ମୁଜତବା ସିଦ୍ଦୀକ୍,ହାକିମ୍ ଲାଲ୍ ବିନ୍ଦ, ହରଗୋବିନ୍ଦ ଭାର୍ଗବ, ସୁଷମା ପଟେଲ୍, ଓ ବନ୍ଦନା ସିଂ । ଏମାନଙ୍କୁ ନିଲମ୍ବିତ କରାଯାଇଥିବା ନେଇ ମାୟାବତୀ ଏକ ସାମ୍ବାଦିକ ସମ୍ମିଳନୀ କରିଥିଲେ । ଏଥିରେ ସେ କହିଥିଲେ କି ଉତ୍ତରପ୍ରଦେଶ ପୌର ନିର୍ବାଚନରେ ଦଳ ପୁରା ଦମରେ ନିର୍ବାଚନ ମଇଦାନକୁ ଉହ୍ଲାଇବ । ଏଥିପାଇଁ ଯଦି ବିଜେପିକୁ ଭୋଟ ଦେବାକୁ ପଡେ ସେ ପଛଘୁଂଚା ଦେବେ ନାହିଁ । ୧୯୯୫ ମସିହାରେ ହୋଇଥିବା ମାମଲା ପ୍ରତ୍ୟାହାର କରିବା ତାଙ୍କର ଏକ ବଡ ଭୁଲ ବୋଲି ସେ ସ୍ୱିକାର କରିଛନ୍ତି । ଅନ୍ୟପଟେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବଙ୍କୁ ବି ଟର୍ଗେଟ କରିଛନ୍ତି ମାୟାବାତୀ ।
ମୟାବତୀ କହିଛନ୍ତି କି ବିଏସପି ନିଷ୍ପତ୍ତି କରିଥିଲା କି ଅଖିଳେଶ ଯାଦବ ରାଜ୍ୟସଭା ନିର୍ବାଚନରେ ତାଙ୍କ ପତ୍ନୀ ଡିମ୍ପଲ ଯାଦବଙ୍କୁ ପ୍ରାର୍ଥୀ କଲେ ବିଏସପି ତାଙ୍କୁ ସମର୍ଥନ କରିବ । ଏନେଇ ବିଏସପି ନେତା ସତୀଶ ଚନ୍ଦ୍ର ମିଶ୍ର ସମାଜବାଦୀ ପାର୍ଟିର ନେତାଙ୍କୁ ସଂପର୍କ କରିବାକୁ ଚାହିଁଥିଲେ ବି ସେମାନେ ଫୋନ ଉଠାଇନଥିଲେ । ଯାହାକି ରାଜ୍ୟର ସମସ୍ତ ବ୍ରାହ୍ମଣ ସଂପ୍ରଦାୟର ଲୋକଙ୍କ ପ୍ରତି ଅପମାନ ବୋଲି ମାୟାବତୀ କହିଛନ୍ତି । ଅନ୍ୟପଟେ ସମାଜବାଦୀ ପାର୍ଟି ଶାସନ କାଳରେ ଉତ୍ତରପ୍ରଦେଶରେ ମାଫିଆ ଓ ଗୁଣ୍ଡା ମାନଙ୍କର ଶାସନ ଚାଲୁଥିଲା ବୋଲି ମାୟାବତୀ ଅଭିଯୋଗ କରିବା ସହ ଏବେ ଅଖିଳେଶ ରାଜ୍ୟର ଲୋକଙ୍କୁ ବୋକା ବନାଇବାକୁ ଯାଉଛନ୍ତି । କହିରଖୁ କି ଉତ୍ତରପ୍ରଦେଶରେ ରାଜ୍ୟସଭା ସାଂସଦ ନିର୍ବାଚନ ବେଳେ ବିଏସପିର ୭ ଜଣ ବିଧାୟକ ଦଳର ହ୍ୱିପ ବିରୋଧରେ ଭୋଟ ଦାନରୁ ବିରତ ରହିଥିଲେ । ଏହା ପରେ ସେମାନେ ସମାଜବାଦୀ ପାର୍ଟିରେ ଯୋଗ ଦେବା ନେଇ ଚର୍ଚ୍ଚା ଧରିବା ପରେ ମାୟାବାତୀ ସେମାନଙ୍କୁ ବହିସ୍କୃତ କରିଛନ୍ତି ।