କନକ ବ୍ୟୁରୋ : ଦେଶରେ ମହଙ୍ଗା ହୋଇଚାଲିଛି ଟେଲିଫୋନ ସେବା । ଗତକାଲି ଏୟାରଟେଲ ପକ୍ଷରୁ ନିଜର ବିଭିନ୍ନ ପ୍ରି-ପେଡ୍ ପ୍ଲାନର ଦରବୃଦ୍ଧି କରାଯିବା ପରେ ଆଜି ଆଉ ଏକ ଟେଲିକମ୍ ଅପରେଟର ଭୋଡ଼ାଫୋନ-ଆଇଡିଆ ବି ନିଜର ପ୍ରିପେଡ୍ ତାରିଫ ୨୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିଛି । ଏହି ବର୍ଦ୍ଧିତ ଦର ନଭେମ୍ବର ୨୫ରୁ ଲାଗୁ ହେବ ବୋଲି କମ୍ପାନି ପକ୍ଷରୁ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କମ୍ପାନି ପକ୍ଷରୁ ଆଜି ଜାରି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ୭୯ ଟଙ୍କା ପ୍ରିପେଡ ପ୍ୟାକର ମୂଲ୍ୟ ଏଣିକି ୯୯ ଟଙ୍କା ହେବ । ସେହିପରି ୧୪୯ ଟଙ୍କା ମୂଲ୍ୟର ପ୍ୟାକର ମୂଲ୍ୟ ୧୭୯କୁ ବୃଦ୍ଧି କରାଯାଇଛି । ୨୧୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ୨୬୯ ଟଙ୍କାକୁ ବୃଦ୍ଧି ପାଇଛି । ୨୪୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ୨୯୯ଟଙ୍କାକୁ ବୃଦ୍ଧି ପାଇଛି । ସେହିପରି ୩୯୯ ଟଙ୍କିଆ ପ୍ୟାକର ମୂଲ୍ୟ ୪୭୯ ଟଙ୍କାକୁ ବୃଦ୍ଧି କରାଯାଇଛି । ୪୪୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ଏବେ ୫୩୯ ଟଙ୍କାକୁ ବୃଦ୍ଧି ପାଇଛି ।
ଗତକାଲି ଦେଶର ପ୍ରମୁଖ ଟେଲିସେବା ଯୋଗାଣକାରୀ କମ୍ପାନି ଭାରତୀୟ ଏୟାରଟେଲ ନିଜର ପ୍ରିପେଡ୍ ତାରିଫ ୨୫ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବା ବିଷୟରେ ଘୋଷଣା କରିଛି । କମ୍ପାନି ପକ୍ଷରୁ ଆଜି ଜାରି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ୭୯ ଟଙ୍କା ପ୍ରିପେଡ ପ୍ୟାକର ମୂଲ୍ୟ ଏଣିକି ୯୯ ଟଙ୍କା ହେବ । ସେହିପରି ୧୪୯ ଟଙ୍କା ମୂଲ୍ୟର ପ୍ୟାକର ମୂଲ୍ୟ ୧୭୯କୁ ବୃଦ୍ଧି କରାଯାଇଛି । ୨୧୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ୨୬୫ ଟଙ୍କାକୁ ବୃଦ୍ଧି ପାଇଛି । ୨୪୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ୨୯୯ଟଙ୍କାକୁ ବୃଦ୍ଧି ପାଇଛି । ସେହିପରି ୪୪୯ ଟଙ୍କା ମୂଲ୍ୟର ପ୍ରିପେଡ୍ ପ୍ୟାକର ମୂଲ୍ୟ ଏବେ ୫୪୯ ଟଙ୍କାକୁ ବୃଦ୍ଧି ପାଇଛି । ଏହି ବର୍ଦ୍ଧିତ ଦର ଆସନ୍ତା ୨୬ ତାରିଖରୁ ଲାଗୁ ହେବ ବୋଲି କମ୍ପାନି ପକ୍ଷରୁ ସୂଚନା ଦିଆଯାଇଛି ।
ଏହି ନୂଆ ଦର ଦ୍ବାରା କମ୍ପାନିର ଉପଭୋକ୍ତା ପିଛା ରାଜସ୍ବ ବୃଦ୍ଧି ପାଇବ । ଏହା ଦ୍ବାରା ଟେଲିକମ ଶିଳ୍ପ ସମ୍ମୁଖୀନ ହେଉଥିବା ଆର୍ଥିକ ସଂକଟ ଦୂର ହେବ ବୋଲି କମ୍ପାନି କହିଛି ।