କ୍ୟାନସର ଯୋଗୁଁ ବିଗୁଡ଼ୁଛି ଭ୍ଲାଦିମିର ପୁଟିନଙ୍କ ସ୍ୱାସ୍ଥ୍ୟାବସ୍ଥା । ଅତି ବେଶିରେ ଆଉ ୩ ବର୍ଷ ବଞ୍ଚି ପାରିବେ ବୋଲି ଡାକ୍ତର କହୁଥିବା ଅନ୍ତର୍ଜାତୀୟ ଗଣମାଧ୍ୟମରେ ଚର୍ଚ୍ଚା
କମିବାରେ ଲାଗିଛି ଦୃଷ୍ଟିଶକ୍ତି, ନିଜକୁ ଦୁର୍ବଳ ବୋଲି ସ୍ୱୀକାର ନ କରିବାକୁ ପିନ୍ଧୁ ନାହାନ୍ତି ଚଷମା
କନକ ବ୍ୟୁରୋ : ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଆଉ ୨ରୁ ୩ ବର୍ଷ ବଞ୍ଚିବେ । ପୁଟିନଙ୍କ ଶରୀରରେ କ୍ୟାନସର ଦ୍ରୁତ ଗତିରେ ମାଡି ଚାଲିଛି । ପ୍ରୋଗ୍ରେସିଭ୍ କ୍ୟାନସର ଯୋଗୁ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିବାରେ ଲାଗିଛି । ଏହାର ଚିକିତ୍ସା ଜଟିଳ ତଥା ଶତପ୍ରତିଶତ ଫଳପ୍ରଦ ହେବାର ସମ୍ଭାବନା କମ୍ । ତେଣୁ ପୁଟିନ୍ ଅତିବେଶିରେ ଆଉ ୩ ବର୍ଷ ବଞ୍ଚି ପାରିବେ ବୋଲି ଡାକ୍ତରୀ ଟିମ୍ କହୁଥିବା ଅନ୍ତର୍ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଋଷର ଫେଡେରାଲ ସିକ୍ୟୁରିଟି ସର୍ଭିସର ପୂର୍ବତନ ଏଜେଣ୍ଟ ବୋରିସ୍ କାର୍ପିଚକୋଭ୍ କହିଛନ୍ତି, କ୍ୟାନସର ବଢୁଥିବାରୁ ଏହାର ପ୍ରଭାବ ଅନ୍ୟ ଅଙ୍ଗ ଉପରେ ପଡୁଛି । ପୁଟିନଙ୍କ ଦୃଷ୍ଟିଶକ୍ତି କମିବାରେ ଲାଗିଛି । କିନ୍ତୁ ପୁଟିନ୍ ନିଜକୁ ଦୁର୍ବଳ ବୋଲି ସ୍ୱୀକାର ନକରିବାକୁ ଚଷମା ପିନ୍ଧିବାକୁ ମନା କରିଦେଇଥିବା ଜଣାପଡ଼ିଛି । ହେଲେ ତାଙ୍କ ପାଖେ ପାଖେ ସୁରକ୍ଷାକର୍ମୀ ଓ ଡାକ୍ତରମାନେ ରହୁଛନ୍ତି । ୟୁକ୍ରେନର ପ୍ରତିରକ୍ଷା ଅଧିକାରୀ ମଧ୍ୟ ପୁଟିନଙ୍କ ବାବଦରେ ଅନେକ ଗୁରୁତ୍ୱପୂର୍ଣ୍ଣ ରିପୋର୍ଟ ଦେଇଥିଲେ । ମେ’ ୯ ତାରିଖରେ ରୁଷର ବିଜୟ ଦିବସ ପାଳନ ବେଳେ ପୁଟିନ୍ ଦୁର୍ବଳ ଜଣା ପଡ଼ୁଥିଲା ।
ଏମିତିକି ପୁଟିନଙ୍କ ଯୋଗୁଁ ବିଜୟ ଦିବସ ପରେଡ୍ ସମୟ ମଧ୍ୟ କାଣ୍ଟଛାଣ୍ଟ କରାଯାଇଥିଲା । ନିକଟରେ ପୁଟିନଙ୍କର କ୍ୟାନସର ଅସ୍ତ୍ରୋପଚାର ହୋଇଥିବା ରିପୋର୍ଟ ପ୍ରକାଶ ପାଇଥିଲା । ଅସ୍ତ୍ରୋପଚାର ସଫଳ ହେବା ସହ ସ୍ୱାସ୍ଥ୍ୟାବସ୍ଥାରେ ଉନ୍ନତି ଆସୁଥିବା କୁହାଯାଇଥିଲା । ହେଲେ ତାଙ୍କୁ ସବୁବେଳେ ଚିକିତ୍ସା ବ୍ୟବସ୍ଥାରେ ରହିବାକୁ ହେବ ବୋଲି ଡାକ୍ତରମାନେ କହିଥିଲେ । ପୁଟିନ୍ ଏକ ବୈଠକରେ ଯାଗଦେବା ପୂର୍ବରୁ ଏପରି ରିପୋର୍ଟ ପ୍ରକାଶ ପାଇଥିଲା ।