କନକ ବ୍ୟୁରୋ: କରୋନାର ପ୍ରତିଦିନର ସଂଖ୍ୟା ବଢୁଥିଲେ ବି ଏହାକୁ ହାଲକା ଭାବେ ନିଆଯାଇ ପାରିବ ନାହିଁ । ଆଜି କେନ୍ଦ୍ର ସରକାରଙ୍କ ତରଫରୁ ନୀତି ଆୟୋଗର ସଦସ୍ୟ ଭି.କେ ପଲ୍ ଏଭଳି ସତର୍କବାଣୀ ଶୁଣାଇଛନ୍ତି । ସେ କହିଛନ୍ତି, ଦେଶରେ କରୋନା ସ୍ଥିତି ଖରାପରୁ ଅତି ଖରାପ ଆଡକୁ ଯାଉଛି । ଏହା ଉଦବେଗ୍ର କାରଣ ଏବଂ ଭାଇରସ ବର୍ତମାନ ସକ୍ରିୟ ଅଛି ବୋଲି କହିଛନ୍ତି । ଏପରିକି କରୋନା ମୁକାବିଲା ପାଇଁ ଦେଶରେ ତିଆରି ହୋଇଥିବା ସୁରକ୍ଷା ବ୍ୟବସ୍ଥାକୁ ଭାଇରସ ଭେଦ କରିଯାଇପାରେ ବୋଲି ଆଶଙ୍କା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
- କରୋନା ନେଇ କେନ୍ଦ୍ର ସରକାରଙ୍କ ସତର୍କବାଣୀ
- ଖରାପରୁ ଅତିଖରାପ ହେଉଛି ପରିସ୍ଥିତି
- ଭାଇରସ୍ ଅତ୍ୟନ୍ତ ସକ୍ରିୟ ହୋଇ ଉଠିଛି
- ଆମ ସୁରକ୍ଷାକୁ ଭେଦ କରିପାରିବ କରୋନା
ଯଦି ଆମେ ଅନେକ ସମୟରେ ଭାବି ନେଉଛୁ ଯେ, କରୋନାର ଦ୍ୱିତୀୟ ଲହର ତୀବ୍ର ବେଗରେ ବ୍ୟାପିଲେ ବି ସେତେ କ୍ଷତି କରିବ ନାହିଁ, ତେବେ ଆମେ ଭୁଲ ଭାବୁଛୁ । ନୀତି ଆୟୋଗର ସଦସ୍ୟ ଭି.କେ ପଲ୍ ସତର୍କ କରାଇ ଦେଇଛନ୍ତି, ଯେ କରୋନା ଭାଇରସ ଆମକୁ ଚକମା ଦେଇ ଆଗକୁ ବଢୁଛି । ମହାରାଷ୍ଟ୍ରର ଉଦାହରଣ ଦେଇ କେନ୍ଦ୍ର ସ୍ୱାସ୍ଥ୍ୟ ସଚିବ କହିଛନ୍ତି, ଏବେ ଅବହେଳା କରିବାର ସମୟ ନାହିଁ ।