ଜାତୀୟ ରାଜପଥରେ ଓହ୍ଲାଇଲା ଯୁଦ୍ଧ ବିମାନ : ଏମରଜେନ୍ସି ଲ୍ୟାଣ୍ଡିଂ କରି ଦମ ଦେଖାଇଲେ ଜାଗୁଆର ଓ ସୁଖୋଇ
ମିଲିଟାରି ଅପରେସନ ପାଇଁ ପ୍ରସ୍ତୁତ ହୋଇଛି ରନୱେ
କନକ ବ୍ୟୁରୋ : ଜାତୀୟ ରାଜପଥରେ ଅବତରଣ କଲା ଯୁଦ୍ଧ ବିମାନ । ପାକିସ୍ତାନ ସୀମା ନିକଟରେ ତିଆରି ହେଲା ରନ୍ୱେ । ରନ୍ୱେରେ ଦମ୍ ଦେଖାଇଛି ଭାରତୀୟ ବାୟୁସେନାର ଯୁଦ୍ଧ ବିମାନ । ରାଜସ୍ଥାନର ଜାଲୋରରେ ତିିଆରି ହୋଇଥିବା ଜାତୀୟ ରାଜପଥରେ ଅବତରଣ କରିଛି ବାୟୁସେନାର ତିନିଟି ବିମାନ । ବାୟୁସେନାର ପରିବହନ ବିମାନ ସି-୧୩୦ଜେ ସୁପର ହରକ୍ୟୁଲିସ, ସୁଖୋଇ ଓ ଜାଗୁଆର ଯୁଦ୍ଧ ବିିମାନ ଜାତୀୟ ରାଜପଥରେ ଅବତରଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ମିଲିଟାରୀ ଅପରେସନ ବେଳେ ଜରୁରୀକାଳୀନ ଭାବରେ ଯୁଦ୍ଧ ବିମାନ ଅବତରଣ କରିବା ପାଇଁ ଏପରି ଜାତୀୟ ରାଜପଥ ତିଆରି ହୋଇଛି । ବିମାନ ଅବତରଣ କରିବା ବେଳେ କେନ୍ଦ୍ର ପରିବହନ ମନ୍ତ୍ରୀ ନିତୀନ ଗଡକରୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ସିଡିଏସ ବିପୀନ ରାୱତ, ବାୟୁସେନା ମୁଖ୍ୟ ଆରକେଏସ ଭଦୌରିଆ ପ୍ରମୁଖ ଉପସ୍ଥିତ ଥିଲେ । ୧୯ ମାସରେ ଏହିି ରାସ୍ତା ତିଆରି କରାଯାଇଛି । ଜୁଲାଇ ୨୦୧୯ରେ ଏହି ରାସ୍ତା କାମ ଆରମ୍ଭ ହୋଇ ୨୦୨୧ ଜାନୁଆରୀରେ ଶେଷ ହୋଇଛି । ସାରା ଦେଶରେ ଏପରି ୧୨ଟି ଜାତୀୟ ରାଜପଥ ବିଭିନ୍ନ ସ୍ଥାନରେ ତିଆରି ହୋଇଛି । ଯେଉଁଥିରେ ଆଗ୍ରା-ଲକ୍ଷେ୍ନା ଜାତୀୟ ରାଜପଥ ମଧ୍ୟ ରହିଛି ।