କନକ ବ୍ୟୁରୋ : କନ୍ନଡ ଅଭିନେତା ପୁନୀଥ ରାଜକୁମାରଙ୍କ ଦେହାନ୍ତ ପରେ ସେ ଚଳାଉଥିବା ସମସ୍ତ ଦାତବ୍ୟ ଅନୁଷ୍ଠାନର ଦାୟିତ୍ୱ ନେବେ ବିଶାଲ । ବିଶାଲ ପୁନୀଥଙ୍କ ଘନିଷ୍ଠ ବନ୍ଧୁ ହୋଇଥିବା ବେଳେ ସେ ବି କନ୍ନଡ ସିନେମାରେ ଜଣେ ଜଣାଶୁଣା ଅଭିନେତା । ବିଶାଲ ରବିବାର ଦିନ ହାଇଦ୍ରାବଦ ଏକ ସିନେମା ସୁଟିଂରେ ଆସିଥିବା ବେଳେ ସେଠାରେ ପୁନୀଥଙ୍କୁ ଶ୍ରଦ୍ଧାଞ୍ଜଳୀ ଜଣାଇଥିଲେ । ଏହାସହ ବିଶାଲ ସେଠାରେ ପୁନୀଥଙ୍କ ବାବଦରେ ଏକ ହୃଦୟସ୍ପର୍ଶୀ ଭାଷଣ ବି ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଶାଲ କହିଥିଲେ କି ପୁନୀଥ୍ କେବଳ ଜଣେ ଅଭିନେତା ନଥିଲେ, ସେ ଜଣେ ଦୟାଳୁ ବ୍ୟକ୍ତିଭାବେ ସାରା କର୍ଣ୍ଣାଟକରେ ପରିଚିତ ଥିଲେ । ତାଙ୍କ ମୃତ୍ୟୁ ପରେ ତାଙ୍କର ସମସ୍ତ ଦାତବ୍ୟ ଅନୁଷ୍ଠାନର ଦାୟିତ୍ୱ ବିଶାଲ ନେବେ ବୋଲି ଏହି ଅବଶରରେ ସେ ଘୋଷଣା କରିଥିଲେ ।
କହିରଖୁ କି ପୁନୀଥ ରାଜକୁମାର ୧୮୦୦ ଗରୀବ ପିଲାଙ୍କୁ ମାଗଣା ଶିକ୍ଷା ଯୋଗାଉଥିଲେ । ଏନେଇ ବିଶାଲ କହିଛନ୍ତି କି ସେ ଏହି ପିଲାମାନଙ୍କର ପାଠପଢା ଯେଭଳି ଅଟକି ନଯାଏ ତାହା ଉପରେ ଦୃଷ୍ଟି ଦେବେ । ଏହାସହ ଏହିକାମ କରି ସେ ନିଜକୁ ଗର୍ବ ଅନୁଭବ କରୁଥିବା କଥା ବି କହିଛନ୍ତି ।
ସୂଚନା ଥାଉକି କନ୍ନଡ ଅଭିନେତା ପୁନୀଥ ରାଜକୁମାର ହୃଦଘାତରେ ହଠାତ ପ୍ରାଣ ହରାଇଛନ୍ତି । ତାଙ୍କ ମୃତ୍ୟୁପରେ ପୁରା କନ୍ନଡ ସିନେମା ଇଣ୍ଡଷ୍ଟ୍ରୀ ସହ ବଲିଓଡରେ ବି ଶୋକର ଛାୟା ଖେଳିଯାଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ପୁନୀଥଙ୍କ ପରିବାରକୁ ସମବେଦନା ଜଣାଇଥିଲେ ।