ଅନନ୍ୟ ପ୍ରତିଭାର ଅଧିକାରୀ ସ୍ୱିଗି ଡେଲିଭରୀ ବଏ , ହାତରେ ତୂଳୀ ଧରିଲେ ଆଙ୍କି ହୋଇଯାଏ ସୁନ୍ଦର ଛବି । ସୋସିଆଲ୍ ମିଡିଆରେ ଭାଇରାଲ୍ ହେଉଛି ଫଟୋ
ପେଶାରେ ଫୁଡ୍ ଡେଲିଭରି ବୟ କିନ୍ତୁ ନିଶା ହେଉଛି ଚିତ୍ର ଆଙ୍କିବା । ହାତରେ ରହିଛି ଏକ ରକମର ଯାଦୁ । ତାଙ୍କର ଏହି ପ୍ରତିଭାକୁ ନିଖିଲ ନାମକ ଜଣେ ୟୁଜର୍ସ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି । ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି । ଚିତ୍ରକାର ବିଶାଲ ସମଜିସକର୍ ଚିତ୍ରରେ ରଙ୍ଗ ଦେଇ ଚିତ୍ରକୁ ଜୀବନ୍ତ ରୂପ ଦେଉଛନ୍ତି । ବିଶାଲ ପାର୍ଟ ଟାଇମ ସ୍ୱିଗିରେ ଡେଲିଭରି ବୟ ଭାବେ କାର୍ଯ୍ୟରତ । ନିଜ କାମ କରିବା ସହିତ ଚିତ୍ରକଳା ପ୍ରତି ତାଙ୍କର ରହିଛି ଅହେତୁକ ଦୁର୍ବଲତା । ଯାହା ଦେଖନ୍ତି ଅବିକଳ ସେହିପରି ଚିତ୍ର ନିଜ ତୁଳୀରେ ଆଙ୍କିପାରନ୍ତି ବିଶାଲ ।
Kanak News is now on WhatsApp
Join and get latest news updates delivered to you via WhatsApp
This is Vishal. He delivered my Swiggy order today. He’s an artist and he is looking for work. Do let me know if you would like to get a painting/wall art commissioned. I can put you in touch with him. Do spread the word and help him out! pic.twitter.com/3HCMaYSuRx
— nikhiilist (@nikhiilist) January 6, 2020
ସୂଚନାନୁସାରେ, ଟ୍ୱିଟର ୟୁଜର୍ସ ନିଖିଲ ଏହି ଫୁଡ୍ ଡେଲିଭରି ବୟଙ୍କ କାହାଣୀ ନିଜ ଆକାଉଣ୍ଟରେ ଶେୟାର କରି ଲେଖିଛନ୍ତି . “ଏ ହେଉଛନ୍ତି ଜଣେ କଳାକାର ,କାମ ସନ୍ଧାନରେ ବାହାରି ପଡିଛନ୍ତି । ସ୍ୱିଗିରୁ ଖାଇବା ଅର୍ଡର କରିବା ସମୟରେ ମୋର ବିଶାଲଙ୍କ ସହିତ ଭେଟ ହୋଇଥିଲା । ସେତେବେଳେ ତାଙ୍କର ଏହି ପ୍ରତିଭା ବିଷୟରେ ମୁଁ ଜାଣିବାକୁ ପାଇଥିଲି ।” ନିଖିଲଙ୍କର ଏହି ପୋଷ୍ଟ ସୋସିଆଲ ମିଡିଆରେ ପ୍ରଶଂସା ସାଉଣ୍ଟିବାରେ ଲାଗିଛି । ଏହି ଟ୍ୱିଟକୁ ୧୨ ହଜାର ଲାଇକ୍ , ୫ ହଜାରରୁ ଅଧିକ ଥର ରି-ଟ୍ୱିଟ୍ କରାଯାଇଛି । ପୋଷ୍ଟରେ ୬ ହଜାରରୁ ଅଧିକ ଲୋକ କମେଣ୍ଟମଧ୍ୟ କରିଛନ୍ତି । କେବଳ ସେତିକି ନୁହେଁ ସ୍ୱିଗି ମଧ୍ୟ ନିଜ ଫେସବୁକ ପେଜରେ ବିଶାଲଙ୍କର ଏହି କାହାଣୀକୁ ସେୟାର କରିଛି । ସେଥିରେ ଲେଖା ହୋଇଛି, ଆପଣ ବିଶାଲ ସମଜିସକରଙ୍କ ସହିତ ଭେଟ ହୁଅନ୍ତୁ ଏବଂ ତାଙ୍କ ଭିତରେ ରହିଥିବା କଳାକୁ ଜାଣନ୍ତୁ । ତାଙ୍କର ଏହି ପ୍ରତିଭାକୁ ଆମେ ସଲାମ କରୁଛୁ ।