କନକ ବ୍ୟୁରୋ: ଆଇପିଏଲ ୨୦୨୧ର ଆଜି ୩୧ତମ ମ୍ୟାଚ ଖେଳାଯିବ । ଏହି ମ୍ୟାଚରେ ମୁହାଁମୁହିଁ ହେବେ ବାଙ୍ଗାଲୋର ବନାମ କୋଲକାତା । ଉଭୟ ଦଳ ଚଳିତ ଆଇପିଏଲରେ ଦ୍ୱିତୀୟଥର ପାଇଁ ମୁହାଁମୁହିଁ ହେବେ । ପୂର୍ବରୁ ଆରସିବି କେକେଆରକୁ ପରାସ୍ତ କରିଥିଲା । ହେଲେ ଆଜିର ମ୍ୟାଚ କ୍ୟାପଟେନ କୋହଲିଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ ରହିବ
Kanak News is now on WhatsApp
Join and get latest news updates delivered to you via WhatsApp
ଏହି ମ୍ୟାଚ ଖେଳିବା ସହ ଆଇପିଏଲରେ ଇତିହାସ ରଚିବେ କୋହଲି । କୋହଲି ଆଇପିଏଲରେ ଗୋଟିଏ ଫ୍ରାଞ୍ଚାଇଜ ପାଇଁ ୨୦୦ ମ୍ୟାଚ ଖେଳିଥିବା ପ୍ରଥମ ଖେଳାଳି ହେବେ । ବିରାଟଙ୍କ ପୂର୍ବରୁ ଅନେକ ଖେଳାଳି ଏହି ୨୦୦ ମ୍ୟାଚ କ୍ଲବରେ ସାମିଲ ହୋଇସାରିଛନ୍ତି ।
ଏହି ଖେଳାଳି ଲିଷ୍ଟରେ ରହିଛନ୍ତି
ମହେନ୍ଦ୍ର ସିଂ ଧୋନୀ-୨୧୨
ରୋହିତ ଶର୍ମା-୨୦୭
ଦିନେଶ କାର୍ତ୍ତିକ-୨୦୩
ସୁରେଶ ରାଇନା-୨୦୧
୨୦୨୧ ଆଇପିଏଲ ପରେ ବିରାଟ ଆରସିବିର ଅଧିନାୟକ ପଦ ଛାଡିବା ନେଇ କାଲି ଘୋଷଣା କରି ସାରିଛନ୍ତି । ଅର୍ଥାତ ଆସନ୍ତା ବର୍ଷ ଆଇପିଏଲରେ ବିରାଟ ଆଉ ବାଙ୍ଗାଲୋର ଦଳର ଅଧିନାୟକ ରହିବେ ନାହିଁ । ସେ କେବଳ ଜଣେ ଖେଳାଳି ହିସାବରେ ନିଜ ଖେଳ ଦାରି ରଖିବେ ।