କନକ ବ୍ୟୁରୋ : ଆଇପିଏଲର ଗ୍ରୁପ୍ ପର୍ଯ୍ୟାୟ ମ୍ୟାଚ୍ ଶେଷ ହୋଇଛି । ଗୁଜୁରାଟ, ଚେନ୍ନାଇ, ମୁମ୍ବାଇ ଓ ଲକ୍ଷ୍ନୌ ପ୍ଲେ ଅଫ ଟିକେଟ ହାତେଇଛନ୍ତି । ଶେଷ ଦିନର ଶେଷ ମ୍ୟାଚରେ ବାଙ୍ଗାଲୋର ପରାଜିତ ହେବା ମୁମ୍ବାଇକୁ ପ୍ଲେ-ଅଫ୍ ଟିକେଟ ଦେଇଛି । ଗୁଜୁରାଟ-ବାଙ୍ଗାଲୋର ମଧ୍ୟରେ ଖେଳାଯାଇଥିବା ଶେଷ ମ୍ୟାଚରେ ଉଭୟ ବିରାଟ କୋହଲି ଓ ଶୁଭମାନ ଗିଲଙ୍କ ଦମଦାର ବ୍ୟାଟିଂ ଦେଖିଥିଲେ କ୍ରିକେଟପ୍ରେମୀ । ଉଭୟ ନିଜ ଦଳ ପାଇଁ ଶତକ ହାସଲ କରିଥିଲେ । ଯେଉଁଥିପାଇଁ ଉଭୟ କ୍ରିକେଟରଙ୍କୁ କ୍ରୀଡା ଜଗତରୁ ପ୍ରଶଂସାର ସୁଅ ଛୁଟିଛି । ତେବେ ବାଙ୍ଗାଲୋର ଗୁଜୁରାଟ ବିପକ୍ଷରେ ପରାଜିତ ହୋଇ ପ୍ଲେ ଅଫରୁ ବାଦ ପଡିବା ଆରସିବି ପ୍ରଶଂସକଙ୍କୁ ନିରାଶ କରିଛି । ଏହି ସମୟରେ ପୂର୍ବତନ ଭାରତୀୟ ଦଳର ଅଧିନାୟକ ତଥା ଦିଲ୍ଲୀ କ୍ୟାପିଟାଲ୍ସର ମେଣ୍ଟର ସୌରଭ ଗାଙ୍ଗୁଲିଙ୍କ ଉପରେ ବିରକ୍ତ ହୋଇଛନ୍ତି ଆରସିବି ଫ୍ୟାନ୍ସ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
What talent this country produces .. shubman gill .. wow .. two stunning knocks in two halves .. IPL.. .. what standards in the tournament @bcci
— Sourav Ganguly (@SGanguly99) May 21, 2023
ବାଙ୍ଗାଲୋର ବିପକ୍ଷରେ ଶୁଭମାନ ଶତକ ହାସଲ କରିଥିବା ବେଳେ ଏହାକୁ ପ୍ରଶଂସା କରିଛନ୍ତି ଗାଙ୍ଗୁଲି । ଟ୍ୱିଟ୍ କରି ଗାଙ୍ଗୁଲି ଲେଖିଛନ୍ତି, ଆମ ଦେଶ ଜବରଦସ୍ତ ପ୍ରତିଭା ପାଇଛି । ଲଗାତାର ୨ଟି ଶତକ । ବାଃ ଶୁଭମାନ ବାଃ । ତେବେ ଗାଙ୍ଗୁଲିଙ୍କ ଏହି ଟ୍ୱିଟକୁ ନେଇ ବିରକ୍ତିଭାବ ପ୍ରକାଶ କରିଛନ୍ତି ଆରସିବି ପ୍ରଶଂସକ । କେବଳ ଶୁଭମାନଙ୍କ ପ୍ରଶଂସା, ବିରାଟଙ୍କ ପ୍ରଶଂସା କାହିଁକି ନୁହେଁ ବୋଲି ପ୍ରଶ୍ନ କରିଛନ୍ତି ଆରସିବି ଫ୍ୟାନ୍ । କିଛି ପ୍ରଶଂସକ କହିଛନ୍ତି, ଟିକେ ବଡପଣ ଦେଖାନ୍ତୁ । ଆପଣ ଭାରତୀୟ କ୍ରିକେଟ ଜଗତର ଦାଦା । କୋହଲିଙ୍କର ବି ପ୍ରଶଂସା କରିବା କଥା । ଚଳିତ ସିଜିନରେ କୋହଲି ୧୪ଟି ମ୍ୟାଚରୁ ୬୩୯ ରନ୍ କରିଥିଲେ । ଏପରିକି ଆଇପିଏଲ ଇତିହାସରେ ସର୍ବାଧିକ ୭ଟି ଶତକ ହାସଲ କରିଛନ୍ତି କୋହଲି ।