କନକ ବ୍ୟୁରୋ : ଭାରତୀୟ କ୍ରିକେଟ୍ ଟିମର କ୍ୟାପଟେନ୍ ବିିରାଟ କୋହଲି ଓ ତାଙ୍କ ପତ୍ନୀ ଅନୁଷ୍କା ଶର୍ମା ଜାନୁଆରୀ ୧୧ ତାରିଖରେ ପିତାମାତା ହେବାର ସୌଭାଗ୍ୟ ଅର୍ଜନ କରିଥିଲେ । ଏବେ ସେମାନେ ପ୍ରଥମ କରି ତାଙ୍କ ଝିଅର ଫଟୋକୁ ସୋସିଆଲ୍ ମିଡିଆରେ ସେଆର୍ କରିବା ସହିତ ତା ନାଁ ବିଷୟରେ ସୂଚନା ଦେଇଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ସୋସିଆଲ୍ ମିଡିଆ ଆକାଉଣ୍ଟରେ ଏକ ଫଟୋ ସେଆର୍ କରିଛନ୍ତି । ଯେଉଁଥିରେ ସେ ତାଙ୍କ ସ୍ୱାମୀ ଓ ଝିଅ ସହ ନଜର ଆସୁଛନ୍ତି । ଏଥିସହ ତାଙ୍କ ନବଜାତ ଶିଶୁର ନାଁ ସେମାନେ ‘ଭାମିକା’ ରଖିଛନ୍ତି ବୋଲି ସୂଚନା ଦେଇଛନ୍ତି । ଅନୁଷ୍କାଙ୍କ ଏହି ପୋଷ୍ଟ ପରେ ଏହି ଫଟୋ ଖୁବ ଭାଇରାଲ୍ ହେବାରେ ଲାଗିଛି । ଫ୍ୟାନମାନେ ବିରାଟ-ଅନୁଷ୍କାଙ୍କ ଝିଅକୁ ଖୁବ ସାରା ଭଲ ପାଇବା ଦେଇଛନ୍ତି ।
ସୂଚନାଯୋଗ୍ୟ ଯେ, କିଛି ମାସ ତଳେ ବିରାଟ କୋହଲି ତାଙ୍କ ପତ୍ନୀ ଅନୁଷ୍କା ଶର୍ମା ଗର୍ଭବତୀ ହେବା କଥା ସୂଚନା ଦେଇଥିଲେ । ଏହାପରେ ସେ ଅଷ୍ଟ୍ରେଲିଆ ଗସ୍ତରେ ଯାଇ ପ୍ରଥମ ଟେଷ୍ଟ ଖେଳି ଭାରତ ଫେରିଆସିଥିଲେ । ଏହାପରେ ଜାନୁଆରୀ ୧୧ ତାରିଖରେ ଅନୁଷ୍କା ଗୋଟିଏ କନ୍ୟା ସନ୍ତାନର ଜନନୀ ହୋଇଥିଲେ ।