ଇନଷ୍ଟାଗ୍ରାମରେ କୋହଲିଙ୍କ ଫଲୋୟର ସଂଖ୍ୟା ୧୦୦ ମିଲିୟନ ଛୁଇଁଲା । ପ୍ରଥମ କ୍ରିକେଟର ଭାବେ ୧୦୦ ମିଲିୟନ କ୍ଲବରେ ସାମିଲ ହେଲେ ବିରାଟ ।
କନକ ବ୍ୟୁରୋ: କ୍ରିକେଟ୍ ପଡିଆରେ ଅନେକ ରେକର୍ଡ ଅର୍ଜନ କରୁଥିବା ଟିମ୍ ଇଣ୍ଡିଆ କ୍ୟାପଟେନ୍ ବିରାଟ କୋହଲି ଏବେ ନିଜର ସୋସିଆଲ୍ ମିଡିଆ ଆକାଉଣ୍ଟ ଜରିଆରେ ବି ଏକ ରେକର୍ଡ ଅର୍ଜନ କରିଛନ୍ତି । ବିଶ୍ୱର ପ୍ରଥମ କ୍ରିକେଟର ଭାବେ ଇନଷ୍ଟାଗ୍ରାମରେ ତାଙ୍କର ଫଲୋୟର ସଂଖ୍ୟା ୧୦୦ ମିଲିୟନ ପାର୍ କରିଛି । ଯାହା ତାଙ୍କୁ ଏବେ ରେକର୍ଡ ବୁକରେ ସ୍ଥାନ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ପ୍ରଥମ କ୍ରିକେଟର ଭାବେ ନୁହେଁ, କୋହଲି ପ୍ରଥମ ଏସୀୟ ବ୍ୟକ୍ତି ଭାବେ ଇନଷ୍ଟାଗ୍ରାମରେ ତାଙ୍କର ଫଲୋୟର ସଂଖ୍ୟା ୧୦୦ ମିଲିୟନ୍ ପାର୍ କରିଛି । ତାଙ୍କ ପଛକୁ ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ଫଲୋୟର ସଂଖ୍ୟା ୬୦.୮ ମିଲିୟନ ରହିଛି ଏବଂ ଶ୍ରଦ୍ଧା କପୁରଙ୍କ ଫଲୋୟର ସଂଖ୍ୟା ୫୮ ମିଲିୟନ ରହିଛି ।
Virat Kohli – the first cricket star to hit 100 million followers on Instagram 🎉 pic.twitter.com/HI1hTSbo8M
— ICC (@ICC) March 1, 2021
କୋହଲିଙ୍କ ଆଗରେ ବିଶ୍ୱବିଖ୍ୟାତ ଫୁଟବଲ ଖେଳାଳି ରୋନାଲଡୋ ଓ ଲିଓନେଲ୍ ମେସି ଅଛନ୍ତି । ରୋନାଲଡୋଙ୍କ ଇନଷ୍ଟାଗ୍ରାମ ଫଲୋୟର ସଂଖ୍ୟା ଏବେ ୨୬୫ ମିଲିୟନ ଥିବାବେଳେ ମେସିଙ୍କ ଫଲୋୟର ସଂଖ୍ୟା ୧୮୬ ମିଲିୟନ ରହିଛି । ସେହିପରି ବ୍ରାଜିଲର ଫୁଟବଲ ଖେଳାଳି ନିଏମାରଙ୍କ ଇନଷ୍ଟାଗ୍ରାମ ଫଲୋୟର ସଂଖ୍ୟା ୧୪୭ ମିିଲିୟନ ।