ରଥ ଉପରେ ସେଲଫିକୁ ନେଇ ବିବାଦ : ଭାଇରାଲ ହେଲା ଦୁଇ ଜଣ ଯୁବକଙ୍କ ସେଲଫି; ସେବାୟତ ନହୋଇ ରଥ ଉପରକୁ କେମିତି ଉଠିଲେ ଯୁବକ ?
କନକ ବ୍ୟୁରୋ : ରଥ ଉପରେ ସେଲଫି ନେଲେ, ପରେ ଏହାକୁ ସୋସିଆଲ ମିଡିଆରେ ସେୟାର କଲେ । କୋଭିଡ କଟକଣା ସତ୍ୱେ ରଥ ଉପରେ ସେଲଫି ନେବା ଘଟଣା ଏବେ ଚର୍ଚ୍ଚା ସୃଷ୍ଟି କରିଛି । ଏହିପରି ଏକ ଭାଇରାଲ ଫଟୋ ଏବେ ମୋବାଇଲରୁ ମୋବାଇଲ ଘୁରି ବୁଲୁଛି । ଫଟୋରୁ ଜଣାପଡ଼ୁଛି ଯେ ବଳଭଦ୍ରଙ୍କ ରଥ ଉପରେ ୨ଜଣ ଯୁବକ ସେଲଫି ନେଇଛନ୍ତି । ହେଲେ ଏହି ଫଟୋ ଚଳିତବର୍ଷ କି ଗତବର୍ଷର ତାହାର ଯାଂଚ କରାଯାଉଛି ବୋଲି ପୁରୀ ଏସପି କେ. ବିଶାଲ ସିଂ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଯୁବକ ବଳଭଦ୍ରଙ୍କ ରଥରେ ବସି ଏହି ଫଟୋ ଉଠାଇ ଥିବା ବେଳେ ଏହାକୁ ସୋସିଆଲ ମିଡିଆରେ ସାଇଡରେ ପକାଇଥିଲେ । ଏହା ସହ ଫଟୋ ଉଠାଇ ନିଜକୁ ଧନ୍ୟ ମନେ କରିଛନ୍ତି ବୋଲି ଲେଖିଥିଲେ । ଦୁଇ ଯୁବକଙ୍କ ମୁହଁରେ ମାସ୍କ ଥିବା ସହ ରଥରେ ଥିବା ସାରଥୀଙ୍କ ସହ ମଧ୍ୟ ଏମାନେ ଫଟୋ ଉଠାଇଥିଲେ । ହେଲେ ସାଧାରଣରେ ପ୍ରଶ୍ନ ଉଠୁଛି କଟକଣା ସତ୍ୱେ ଏମାନେ କିପରି ରଥ ଉପରକୁ ଯାଇ ଏହି ଫଟୋ ଉଠାଇଲେ । ସେଠାରେ ଥିବା ସୁରକ୍ଷାକର୍ମୀ ଏନେଇ କିପରି ଜାଣିପାରିନଥିଲେ ।