ସ୍ୱେଚ୍ଛାକୃତ ଅବସର ପାଇଁ ଭୀମସାର ନିର୍ଦ୍ଦେଶକଙ୍କ ଆବେଦନ । ଗୋଟିଏ ବର୍ଷ ଚାକିରୀ ବାକି ଥିବା ବେଳେ କାହିଁକି ମାଗିଲେ ଭିଆରଏସ ବଢିଲା ସନ୍ଦେହ
କନକ ବ୍ୟୁରୋ : ସ୍ୱେଚ୍ଛାକୃତ ଅବସର ପାଇଁ ଆବେଦନ କରିଛନ୍ତି ଭୀମସାର ନିର୍ଦ୍ଦେଶକ ଡାକ୍ତର ପ୍ରଫେସର ଲଳିତ ମେହର । ଏନେଇ ରାଜ୍ୟପାଳଙ୍କୁ ଚିଠି ଲେଖିବା ବେଳେ ରାଜଭବନ ପକ୍ଷରୁ ସ୍ୱାସ୍ଥ୍ୟ ବିଭାଗର ଅତିରିକ୍ତ ସଚିବଙ୍କୁ ଏନେଇ ପତ୍ର ଲେଖାଯାଇଛି । ସ୍ୱାସ୍ଥ୍ୟଗତ ଏବଂ ମାନସିକ ଚାପ କାରଣରୁ ସେ ଏପରି ହଠାତ୍ ଅବସର ଗ୍ରହଣ କରୁଥିବା ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତାଙ୍କ ଶରୀରରେ ବର୍ତମାନ ଡାଇବେଟିସ, ହାଇପରଟେନସନ, ହାର୍ଟ ସମସ୍ୟା ପରି ସ୍ୱାସ୍ଥ୍ୟ ସମସ୍ୟା ଲାଗି ରହିଥିବାରୁ ସେ ଏପରି ଅବସର ମାଗିଲେ ଭୀମସାର ନିର୍ଦ୍ଦେଶକ ଅବସର ପାଇଁ ଆବେଦନ କରିଥିବା ଉଲ୍ଲେଖ କରିଛନ୍ତି । ପ୍ରଫେସର ଲଳିତ ମେହେର ୧୦ ଜୁନ୍ ୨୦୨୦ ମସିହାରେ ଭୀମସାର ନିର୍ଦ୍ଦେଶକ ଭାବରେ କାର୍ଯ୍ୟରେ ଯୋଗ ଦେଇଥିଲେ । ଆସନ୍ତାବର୍ଷ ଫେବ୍ରୁଆରୀ ୨୮ ତାରିଖରେ ତାଙ୍କର କାର୍ଯ୍ୟକାଳ ଶେଷ ହୋଇଥାନ୍ତା । ହେଲେ ଏପରି ହଠାତ୍ ଅବସର ନିଷ୍ପତ୍ତି ସମସ୍ତଙ୍କୁ ଚକିତ କରିଛି । ତାଙ୍କ ପୂର୍ବରୁ ପୂର୍ବ ନିର୍ଦ୍ଦେଶକ ଡାକ୍ତର ଅଶ୍ୱିନୀ ପୂଜାରୀ ମଧ୍ୟ ନିଜ କାର୍ଯ୍ୟକାଳ ଶେଷ କରିନପାରି ଚାକିରୀରୁ ଇସ୍ତଫା ଦେଇଥିଲେ ।