ବର୍ଷାକୁ ଦେଖିଲେ ଛାନିଆ ନଇ କୂଳିଆ ଗାଁ। ଲୋକଙ୍କ ଆଖିରୁ ନିଦ ହଜେଇ ଦେଇଛି ଜଗତସିଂହପୁର ଦେବୀନଦୀର ଦୁର୍ବଳବନ୍ଧ

ପ୍ରଶାସନର ସଲାସୁତରାରେ ନିମ୍ନାନର ମରାମତି ଅଭିଯୋଗ

80

କନକ ବ୍ୟୁରୋ: ନଦୀବନ୍ଧ ସାଜିଛି ମରଣଜନ୍ତା । ଦେବୀନଦୀର ବନ୍ଧକୁ ନେଇ ଆତଙ୍କରେ ଗ୍ରାମବାସୀ । ପ୍ରଶାସନର ଖାମଖିଆଲି ନୀତି ଯୋଗୁଁ ଜଗତସିଂହପୁର ଜିଲ୍ଲାର ବିଭିନ୍ନ ସ୍ଥାନରେ ନଦୀବନ୍ଧ ଏବେ ବିପଦ ସଂକୁଳ ଅବସ୍ଥାରେ । ଯାହାକି ଏବେ ଗ୍ରାବାସୀଙ୍କ ମୁଣ୍ଡବିନ୍ଧାର କାରଣ ପାଲଟିଛି ।

ଆକାଶରେ ମେଘ ଦେଖିଲେ ଛନକା ପଶୁଛି । ଜୀବନ ଜୀବିକାକୁ ନେଇ ନଇକୂଳିଆ ଲୋକଙ୍କ ଆଖିରୁ ନିଦ ହଜିଯାଉଛି । ବର୍ଷା ହେଲେ ଦୁର୍ବଳ ନଦୀବନ୍ଧ ଚିନ୍ତା ବଢାଇ ଦେଉଛି । ଜଗତସିଂହପୁର ଜିଲ୍ଲା ଦେଇ ବହୁଥିବା ଦେବୀ ନଦୀ ବନ୍ଧର ଅନେକ ସ୍ଥାନରେ ମାଟି ଅତଡା ଧସିଯାଇଛି । ପଥର ପ୍ୟାକିଙ୍ଗ୍ ବି ନଷ୍ଟ ହୋଇଯାଇଛି । ପ୍ରଶାସନ ପକ୍ଷରୁ ନଦୀବନ୍ଧରେ ଅତି ନିମ୍ନମାନର ମାଟି ଓ ପଥର ପ୍ୟାକିଙ୍ଗ୍ କାମ ହୋଇଥିବାରୁ ଅସନ୍ତୋଷ ପ୍ରକାଶ ପାଇଛି ।

ବନ୍ୟା ପାଣିକୁ ନିୟନ୍ତ୍ରଣ କରିବାକୁ ତିଆରି ହୋଇଥିବା ଗୁରୁଜ ମଧ୍ୟ ନଦୀରେ ବୁଡ଼ିଗଲାଣି । ଦେବୀନଦୀର ମୁଖ୍ୟତଃ ଭାଣ୍ଡିସାହି, ଶ୍ରୀବନ୍ତପୁର, ପଲିରିବାଙ୍କ ଓ ପଦରୁଆ ବନ୍ଧ ବିପଦ ସଙ୍କୁଳନ ଅବସ୍ଥାରେ ରହିଛି । ସେପଟେ ଏନେଇ ଜଳ ସମ୍ପଦ ନିର୍ବାହୀ ଯନ୍ତ୍ରୀ କହିଛନ୍ତି, ବନ୍ଧର ମରାମତି କାର୍ଯ୍ୟ କରାଯାଇଛି । ବନ୍ୟା ପରିସ୍ଥିତିର ମୁକାବିଲା ପାଇଁ ଜଳ ସଂପଦ ବିଭାଗ ପ୍ରସ୍ତୁତ ରହିଛି । ବନ୍ଧରେ ନିମ୍ନ ମାନର ମରାମତି କାମ ଯୋଗୁଁ ନଇକୂଳିଆ ଲୋକ ବର୍ଷା ଦେଖିଲେ ଭୟ କରୁଥିବା ବେଳେ କେବେ ସ୍ଥିତିରେ ସୁଧାର ଆସିବ ଅପେକ୍ଷାରେ ଅଛନ୍ତି ଗଁଲୋକେ ।