ଚୋରାଚାଲଣ ହେଉଥିବା ବଜ୍ରକାପ୍ତା ଉଦ୍ଧାର କରିବାକୁ ଯାଇ ହଟହଟା ବନକର୍ମଚାରୀ: ୧୬ ଜଣ କର୍ମଚାରୀଙ୍କୁ ଗୋଡାଇ ପିଟିଲେ ମାଲକାନଗିରି ନାମକୋଣ୍ଡା ଗାଁ ଲୋକେ
ଗ୍ରାମବାସୀଙ୍କ ପଥର ମାଡରେ ରେଂଜରଙ୍କ ସମେତ ୭ କର୍ମଚାରୀ ଆହତ
କନକ ବ୍ୟୁରୋ: ବଜ୍ରକାପ୍ତା ଉଦ୍ଧାର କରିବାକୁ ଯାଇ ହଟହଟା ହେଲେ ବନ କର୍ମଚାରୀ । ମାଲକାନଗିରି ନାମକୋଣ୍ଡା ଗାଁରେ ବଜ୍ରକାପ୍ତା ଥିବା ଖବର ପାଇ ଗତକାଲି ରାତିରେ ଚଢାଏ କରିଥିଲେ ୧୬ ଜଣ ବନ କର୍ମଚାରୀ । ତେବେ ବଜ୍ରକାପ୍ତା ଉଦ୍ଧାର ସମୟରେ ବନ କର୍ମଚାରୀ ମାନେ ଗ୍ରାମବାସୀଙ୍କ ବିରୋଧର ଶିକାର ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବଜ୍ରକାପ୍ତା ଉଦ୍ଧାର କରି ଆଣୁ ଥିବା ସମୟରେ ବନ କର୍ମଚାରୀଙ୍କ ଉପରେ ଅତର୍କିତ ଆକ୍ରମଣ କରିଥିଲେ ଉତ୍ୟକ୍ତ ଗ୍ରାମବାସୀ । ବନ କର୍ମଚାରୀଙ୍କୁ ଗୋଡାଇ ଗୋଡାଇ ଟେକା ପଥର ମାଡ ମାରିଥିଲେ ଗାଁଲୋକେ । ଆକ୍ରମଣରେ ମାଲାକନଗିରି ରେଂଜର ସମେତ ୭ କର୍ମଚାରୀ ଆହତ ହୋଇଥିବା ବେଳେ ରେଂଜର ଓ ତାଙ୍କ ଡ୍ରାଇଭର ଗୁରୁତର ଆହତ ହୋଇଛନ୍ତି । ପରିସ୍ଥିତି ଏମିତି ହୋଇଥିଲା ଯେ ବଜ୍ରକାପ୍ତାକୁ ଶେଷରେ ବନ କର୍ମଚାରୀଙ୍କଠାରୁ ଛଡାଇ ନେଇଥିଲେ ଗାଁଲୋକେ ।