କେନ୍ଦ୍ର ଓ ଉତ୍ତର ପ୍ରଦେଶ ସରକାର ଜନତାଙ୍କ ପାଇଁ ସ୍ୱାସ୍ଥ୍ୟ ଯୋଜନା ଉପରେ କୋଟି କୋଟି ଟଙ୍କା ଖର୍ଚ୍ଚ କରୁଛି । କିନ୍ତୁ ୟୁପିର ବିଜନୌରର ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ଜନତାଙ୍କ ସ୍ୱାସ୍ଥ୍ୟକୁ ନେଇ ଗମ୍ଭୀର ଜଣାପଡୁନି । ସ୍ୱାସ୍ଥ୍ୟ ବିଭାଗର ଅଣଦେଖା ପାଇଁ ଜନପଦର ଏକ ଗାଁ କ୍ୟାନସର ଗାଁ ନାମରେ ପରିଚିତ ହେଲାଣି । ଏହି ଗାଁରେ ଏପର୍ଯ୍ୟନ୍ତ ୧୨ରୁ ଅଧିକ ଲୋକ କ୍ୟାନସର କବଳରେ ପ୍ରାଣ ହରାଇସାରିଛନ୍ତି । ଆଉ କେତେକ କ୍ୟାନସର ପାଇଁ ଜୀବନ ଓ ମୃତ୍ୟୁ ସହ ସଂଘର୍ଷ କରୁଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ବିଜନୌର ଜିଳ୍ଲାର ଥାନା ମଣ୍ଡାବର କ୍ଷେତ୍ରର ରାୟପୁର ବେରିସାଲ ଗାଁ ଗତ କିଛି ବର୍ଷ ହେବ କ୍ୟାନସର କବଳରେ ଅଛି । ଏହି ଗାଁର ଲୋକେ କ୍ୟାନସର କାରଣରୁ ମୃତ୍ୟୁ ମୁଖକୁ ଯାଉଛନ୍ତି, ଯଦ୍ୱାରା ଗତ ୪-୫ବର୍ଷରେ ୨୫ରୁ୩୦ ଜଣଙ୍କ ମୃତ୍ୟୁ ହେଲାଣି ଏବଂ ଏବେବି ଗାଁ ଲୋକେ କ୍ୟାନସର କବଳରେ ଅଛନ୍ତି । ଗାଁ ଲୋକେ କ୍ୟାନସର ବ୍ୟାପିବାର ସୂଚନା ଜିଲ୍ଲ । ଅଧିକାରୀ ବିଜନୌର ଓ ସିଏମଓଙ୍କୁ ଦେଇସାରିଛନ୍ତି , କିନ୍ତୁ କେହି ମଧ୍ୟ ଏହି ମାମଲାକୁ ଗମ୍ଭୀର ଭାବେ ନେଉ ନାହାଁନ୍ତି । ଏହି ଗାଁରେ କ୍ୟାନସର ମହାମାରୀ ଭଳି ବ୍ୟାପୁଛି । ୧୨ ହଜାର ଜନସଂଖ୍ୟା ବିଶିଷ୍ଟ ଏହି ଗାଁରେ ଗତ ୫ବର୍ଷରେ ୩୦ରୁ ଅଧିକ ମୃତ୍ୟୁ ହୋଇସାରିଛି ।