ପୁଲିସ କର୍ମଚାରୀଙ୍କୁ କେମିତି ହତ୍ୟା କରିଥିଲା ବିକାଶ? ମାଓବାଦୀ ଶୈଳୀରେ କରିଥିଲା ଆକ୍ରମଣ, ଅତି ବୀଭତ୍ସ ଭାବେ କାଟିଥିଲା ମୁଣ୍ଡ, ହାଣିପକାଇଥିଲା ଗୋଡ ଆଙ୍ଗୁଠି: ମୁହଁ, ଛାତି ଓ କାନ୍ଧକୁ ମାରିଥିଲା ଗୁଳି

ଶବ ବ୍ୟବଚ୍ଛେଦ ରିପୋର୍ଟରୁ ଆସିଲା ସାଂଘାତିକ ତଥ୍ୟ

1,342

କନକ ବ୍ୟୁରୋ: ଗ୍ୟାଙ୍ଗଷ୍ଟରର ମାଓବାଦୀ ଷ୍ଟାଇଲ । ଉତର ପ୍ରଦେଶର ଦୁର୍ଦ୍ଦାନ୍ତ ଅପରାଧୀ ବିକାଶ ଦୁବେ ଓ ତାର ଲୋକ, ୮ଜଣ ପୋଲିସ କର୍ମଚାରୀଙ୍କୁ କିଭଳି ହତ୍ୟା କରିଥିଲେ ସେନେଇ ଅଧିକ ତଥ୍ୟ ସାମ୍ନାକୁ ଆସିବାରେ ଲାଗିଛି । ବିଶେଷ କରି ସିହଦ ପୋଲିସ କର୍ମଚାରୀଙ୍କ ବ୍ୟବଚ୍ଛେଦ ରିପୋର୍ଟରୁ ହତ୍ୟାକାଣ୍ଡର ବର୍ବରତା ସଂପର୍କରେ ଜଣାପଡିଛି । ଘଟଣାଦିନ ମାଓବାଦୀଙ୍କ ଭଳି ଗରିଲା ଶୈଳୀରେ ଆକ୍ରମଣ କରିଥିଲେ ଗ୍ୟାଙ୍ଗଷ୍ଟରର ଲୋକ । ଅମ୍ବୁସ କରି ପୋଲିସ କର୍ମଚାରୀଙ୍କୁ ହତ୍ୟା କରିଥିଲେ ।

– ଡିଏସପି ର୍ୟାଙ୍କର ସର୍କଲ ଅଫିସର ଦେବେନ୍ଦ୍ର ମିଶ୍ରଙ୍କ ମୁଣ୍ଡକୁ କାଟି ପକାଇଥିଲେ

– ପାଦର ଆଙ୍ଗୁଠିକୁ କୁରାଢୀରେ କାଟିବା ସହ ଶରୀରକୁ ଖଣ୍ଡଖଣ୍ଡ କରିପକାଇଥିଲେ

– ଜଣେ ସବଇନସ୍ପେକ୍ଟରଙ୍କୁ ପଏଂଟ ବ୍ଲାଙ୍କରୁ ଗୁଳି କରିଥିଲେ ଗ୍ୟାଙ୍ଗଷ୍ଟରର ଲୋକ

– ପୋଲିସଠାରୁ ଏକେ-୪୭ ଛଡାଇ ନେଇ ସେହିଥିରେ କନେଷ୍ଟବଳଙ୍କୁ ଗୁଳି କରିଥିଲେ

– ସବଇନସ୍ପେକ୍ଟର ଅନୁପ ସିଂହଙ୍କ ଶରୀରରେ ୭ଟି ଗୁଳି ବାଜିିଥିବା ଜଣାପଡିଛି

– ଶିବରାଜପୁର ଷ୍ଟେସନ ଅଫିସର ମହେଶ ଯାଦବଙ୍କ ମୁହଁ, ଛାତି ଓ କାନ୍ଧରେ ଗୁଳି ବାଜିଛି

– କନେଷ୍ଟବଳ ଜିତେନ୍ଦ୍ର, ରାହୁଲ, ବବଲୁ ଓ ସୁଲତାନଙ୍କ ଦେହରେ ୩୧୫ ବୋର ରାଇଫଲରୁ ଗୁଳି ବାଜିଛି

– ଘଟଣାଦିନ ପ୍ରାୟ ୬୦ ଜଣ ଚାରିପଟୁ ଘେରି ପୋଲିସ କର୍ମଚାରୀଙ୍କୁ ଆକ୍ରମଣ କରିଥିଲେ

– ଲାଲଗଡରେ ମାଓବାଦୀ କରୁଥିବା ନରସଂହାର ଭଳି ଥିଲା ଗ୍ୟାଙ୍ଗଷ୍ଟରର ହତ୍ୟାକାଣ୍ଡ

– ଫରେନସିକ ଟିମ୍ ଓ ଏସଟିଏଫର ତଦନ୍ତ ସହ ଶବ ବ୍ୟବଚ୍ଛେଦ ରିପୋର୍ଟରୁ ସ୍ପଷ୍ଟ ହୋଇଛି

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.