ମହା ଠକଙ୍କ ଠାରୁ ଫେରୁଛି ଟଙ୍କା । ବିଜୟ ମାଲ୍ୟା, ନୀରବ ମୋଦୀ ଏବଂ ମେହୁଲ ଚୋକସିଙ୍କ ସମ୍ପତି ବ୍ୟାଜାପ୍ତିରୁ ମିଳିଥିବା ଟଙ୍କା ବ୍ୟାଙ୍କକୁ ହସ୍ତାନ୍ତର ।
କନକ ବ୍ୟୁରୋ: ବିଜୟ ମାଲ୍ୟା, ନୀରବ ମୋଦୀ ଏବଂ ମେହୁଲ ଚୋକସିଙ୍କ କଳା କାରନାମା କାହାକୁ ଅଛପା ନାହିଁ । ବ୍ୟାଙ୍କକୁ ଚୂନା ଲଗାଇ ହଜାର ହଜାର କୋଟି ଲୁଟି ବିଦେଶରେ କରୁଛନ୍ତି ମଉଜ । ବିଳମ୍ବରେ ହେଉ ପଛେ ପ୍ରବର୍ତ୍ତନ ନିର୍ଦ୍ଦେଶାଳୟ ପଞ୍ଝାରୁ ମୁକୁଳି ପାରି ନାହାଁନ୍ତି ଏହି ମହାଠକ । ଏହି ୩ ମହାଠକଙ୍କ ୧୮ ହଜାର କୋଟି ଟଙ୍କା ଜବତ କରିଛି ଇଡି । ଏଥିରୁ ୯୩୭୧ କୋଟି ଟଙ୍କା ବ୍ୟାଙ୍କକୁ ଫେରାଇଛି ଇଡି ।
Kanak News is now on WhatsApp
Join and get latest news updates delivered to you via WhatsApp
ସିବିଆଇର ଏତଲା ଅନୁସାରେ ଇଡି ତଦନ୍ତ ଆରମ୍ଭ କଲା । ଦେଶ ବିଦେଶରେ ଏହି ମହାଠକଙ୍କ ସମ୍ପତି କେଉଁଠି ରହିଛି ତାର ଖୋଳତାଡ କଲା ପ୍ରବର୍ତନ ନିର୍ଦ୍ଦେଶାଳୟ । ତଦନ୍ତରୁ ଜଣାପଡିଲା ଯେ, ଏହି ମହାଠକ ନିଜ ସମ୍ପର୍କୀୟଙ୍କ କମ୍ପାନୀ ଓ ଟ୍ରଷ୍ଟ ଜରିଆରେ ଲୁଟି ଚାଲିଥିଲେ ।
ପ୍ରିଭେନସନ୍ ଅଫ୍ ମନିଲଣ୍ଡରିଂ ଆଧାରରେ ତଦନ୍ତ ପରେ ଏହି ତିନି ଅଭିଯୁକ୍ତଙ୍କ ବିରୋଧରେ ମାମଲା ଦାଖଲ ହୋଇଥିଲା । ବିଦେଶରେ ଲୁଚିଥିବା ଏହି ତିନି ଜଣଙ୍କ ପ୍ରତ୍ୟାର୍ପଣ ପାଇଁ ଚେଷ୍ଟା ଚଳାଇଛି କେନ୍ଦ୍ରୀୟ ତଦନ୍ତକାରୀୀ ସଂସ୍ଥା । ଏନେଇ ବ୍ରିଟେନ୍, ଆଂଟିଗୁଆ ଏବଂ ବାରବାଡୋସ୍ ସରକାରଙ୍କ ସହ ଯୋଗାଯୋଗ ଜାରି ରହିଛି । ଭାରତକୁ ବିଜୟ ମାଲ୍ୟାଙ୍କ ପ୍ରତ୍ୟର୍ପଣ ନେଇ ସମ୍ଭାବନା ବଢ଼ିଥିବା ବେଳେ ନୀରବ ମୋଦି ଓ ମେହୁଲ ଚୋକସିଙ୍କୁ ପ୍ରତ୍ୟର୍ପଣ କରିବାକୁ ଚେଷ୍ଟା କରାଯାଉଛି ।
ୱେଷ୍ଟମିନିଷ୍ଟର ମାଜିଷ୍ଟ୍ରେଟ୍ କୋର୍ଟ ନୀରବ ମୋଦୀଙ୍କୁ ପ୍ରତ୍ୟାର୍ପଣ କରିବାକୁ ନିର୍ଦ୍ଦେଶ ଦେଇଛନ୍ତି । ଧରାପଡ଼ିବା ପରେ ନୀରବ ମୋଦୀ ଗତ ଦୁଇବର୍ଷ ହେଲା ଲଣ୍ଡନ ଜେଲରେ ଅଛି । ସେହିପରି ବିଜୟ ମାଲ୍ୟା ଓ ନୀରବ ମୋଦୀ ଉଭୟଙ୍କୁ ଆର୍ଥିକ ପଳାତକ ଘୋଷଣା କରାଯାଇଛି । ସେହିପରି ନିକଟରେ ମେହୁଲ ଚୋକସି ଡୋମିନିକାରେ ଧରାପଡି ଜେଲ୍ରେ ବନ୍ଦୀ ଅଛି ।