ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ରେଡ୍ ଘଟଣା । ଘରୁ ମିଳିଲା ୧୪୪୦ ଗ୍ରାମର ସୁନା ଗହଣା

ତେବେ ବିଧାୟକ ପ୍ରଦୀପ ପାଣିଗ୍ରାହୀଙ୍କ ବିରୋଧରେ ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗ ରହିଛି ।  ଏହି ଅଭିଯୋଗର ତଦନ୍ତ କରି ଲୋକାୟୁକ୍ତଙ୍କ ନିକଟରେ ରିପୋର୍ଟ ଦାଖଲ କରିଥିଲା ଭିଜିଲାନ୍ସ । ଗତବର୍ଷ ଡିସେମ୍ବର ୯ରେ ଲୋକାୟୁକ୍ତଙ୍କ ନିକଟରେ ମାମଲା ହୋଇଥିଲା । ଡିସେମ୍ବର ୧୧ରେ ଓଡିଶା ଭିଜିଲାନ୍ସକୁ ପୁଣି ଏହାର ତଦନ୍ତ ନିର୍ଦ୍ଦେଶ ଦେଇଥିଲେ ଲୋକାୟୁକ୍ତ । ଲୋକାୟୁକ୍ତ ଆଇନ ୨୦୧୪ର ଅଧିନିୟମ ୨୦(୨)ରେ ତଦନ୍ତରୁ ଜଣାପଡିଲା ଯେ, ପ୍ରଦୀପ ପାଣିଗ୍ରାହୀ ଲୋକଙ୍କ ସେବାରେ ଥାଇ ବେଆଇନ ସଂପତ୍ତି ଠୁଳ କରିଛନ୍ତି । ୨୦୦୯ ମେ’ ୫ରୁ ୨୦୨୦ ନଭେମ୍ବର ପର୍ଯ୍ୟନ୍ତ ୫ କୋଟି ୫ ଲକ୍ଷ ୪ ହଜାର ୬୫୬ ଟଙ୍କା ସଂପତ୍ତି ଠୁଳ କରିଥିବା ଅଭିଯୋଗ ରହିଛି ।  ଭିଜିଲାନ୍ସ ପକ୍ଷରୁ ଗତ ମେ’ ୨୮ ତାରିଖରେ ତଦନ୍ତ ଶେଷ କରି ଲୋକାୟୁକ୍ତଙ୍କ ନିକଟରେ ଚୂଡାନ୍ତ ରିପୋର୍ଟ ଦେଇଥିଲା । ରିପୋର୍ଟ ପାଇବା ସହ ଏନେଇ ପ୍ରଦୀପ ପାଣିଗ୍ରାହୀଙ୍କ ଉତ୍ତର ପାଇବା ପରେ ଅନୁସନ୍ଧାନ କରିବାକୁ ଭିଜିଲାନ୍ସକୁ ନିର୍ଦ୍ଦେଶ ଦେଇଥିଲେ ଲୋକାୟୁକ୍ତ । ଏହାପରେ ଭିଜିଲାନ୍ସ ପକ୍ଷରୁ ଗତ ୪ ତାରିଖ ଦିନ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ମାମଲା ରୁଜୁ କରିଥିଲା ଭିଜିଲାନ୍ସ ।