ଭିଜିଲାନ୍ସ ଜାଲରେ ଜୟପୁରର ଇଲେକ୍ଟ୍ରିକାଲ ଇଞ୍ଜିନିୟର । ଲାଞ୍ଚ ନେଇ ଗିରଫ ହେଲେ ଏସଡିଓ କେ ଶ୍ରୀନିବାସ
କନକ ବ୍ୟୁରୋ : ଭିଜିଲାନ୍ସ ଜାଲରେ ଜୟପୁର ଇଲେକ୍ଟ୍ରିକାଲ ଇଞ୍ଜିନିୟର ଏସଡିଓ କେ ଶ୍ରୀନିବାସ । ୨୦ ହଜାର ଟଙ୍କା ଲାଂଚ ନେଇ ଗିରଫ ହେଲେ ଏସଡିଓ କେ ଶ୍ରୀନିବାସ । ଜୟପୁର ଇଲେକ୍ଟ୍ରିକାଲ କାର୍ଯ୍ୟାଳୟରେ ଫାଙ୍କା ଥିବା ଲେଡରମ୍ୟାନ ପଦବୀ ପାଇଁ ସୁପାରିଶ କରି ଲାଂଚ ନେଉଥିଲେ ଏସଡିଓ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଏସଡିଓଙ୍କ କାର୍ଯ୍ୟାଳୟରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟରତ ପୁରୁଷତ୍ୱ ଭୂୟାଁଙ୍କୁ ଉକ୍ତ ପଦବୀ ପାଇଁ ସୁପାରିଶ କରିଥିଲେ ଏସଡିଓ । ପୂର୍ବ ନିର୍ଦ୍ଧାରିତ ଯୋଜନା ମୁତାବକ ପ୍ରଥମ ମାସର ଦରମା ପାଇବା ପରେ ପୁରୁଷତ୍ୱଙ୍କ ଠାରୁ ୨୦ ହଜାର ଟଙ୍କା ନେଇଥାନ୍ତେ ଏସଡିଓ । ଟଙ୍କା ଦେବା ପୂର୍ବରୁ ପୁରୁଷତ୍ୱ ଏନେଇ ଭିଜିଲାନ୍ସକୁ ଜଣାଇଥିଲେ । ଆଜି ପୁରୁଷତ୍ୱ ୨୦ ହଜାର ଟଙ୍କା ଦେବା ବେଳେ ଭିଜିଲାନ୍ସ ହାତରେ ଧରାପଡିଥିଲେ ଏସଡିଓ ।