କନକ ବ୍ୟୁରୋ: ଅଦ୍ଭୁତ, ଆଶ୍ଚର୍ଯ୍ୟ, ଆକର୍ଷଣୀୟ ଅଯୋଧ୍ୟାର ଭବ୍ୟ ଶ୍ରୀରାମମନ୍ଦିର । ଯେଉଁଠି ରାମଲାଲାଙ୍କ ବିଗ୍ରହ ପ୍ରତିଷ୍ଠା ହେବ ସେହି ମହଲାରେ କାମ ଶେଷ ହେବା ପରେ ସାମ୍ନାକୁ ଆସିଛି ଏହାର ପ୍ରଥମ ଦୃଶ୍ୟ । ଯେତିକି ପ୍ରଶଂସା କଲେ ସେତିକି କମ ପଡୁଛି କାରିଗରଙ୍କ କାରିଗରୀକୁ । ମନ୍ଦିରର କୋଣ ଅନୁକୋଣରେ ସ୍ଥାନ ଦିଆଯାଇଛି ଆକର୍ଷଣୀୟ କଳାକୃତିକୁ । ଏହି ମହଲାରେ ଥିବା ଗର୍ଭଗୃହରେ ରାମଲାଲାଙ୍କ ପ୍ରାଣପ୍ରତିଷ୍ଠା କରାଯିବ । ସେପଟେ ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ସାଧାରଣ ସମ୍ପାଦକ ଚମ୍ପତ ରାୟ ସାମ୍ବାଦିକ ସମ୍ମିଳନୀ କରି ମନ୍ଦିର ବାବଦରେ ଅନେକ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି ।

Advertisment

ମନ୍ଦିରର ଦକ୍ଷିଣ ପାଶ୍ୱର୍ରେ ହନୁମାନଙ୍କ ମନ୍ଦିର ଓ ଉତରଭାଗରେ ଦେବୀ ଅନ୍ନପୂର୍ଣ୍ଣାଙ୍କ ମନ୍ଦିର ରହିବ । ୭୦ ଏକର ଜମିରୁ କେବଳ ୨୦ ଏକର ଜମିରେ ରାମମନ୍ଦିର ନିର୍ମାଣ କାମ କରାଯାଉଛି । ମନ୍ଦିରକୁ ଆସିବାକୁ ଥିବା ଶ୍ରଦ୍ଧାଳୁଙ୍କ ପାଇଁ ଖାସ ବ୍ୟବସ୍ଥା ରହିିଛି । ଏକାସହ ୨୫ହଜାର ଶ୍ରଦ୍ଧାଳୁ ଏଠାରେ ରହିପାରିବେ । ଖାଦ୍ୟ,ପାନୀୟ ପାଇଁ କ୍ୟାଟିଂନ, ଶୌଚାଳୟ. ଡାକ୍ତରଖାନ ମଧ୍ୟ ପରିସର ମଧ୍ୟରେ ରହିବ । ଦିବ୍ୟାଙ୍ଗଙ୍କ ପାଇଁ ଲିପ୍ଟର ବ୍ୟବସ୍ଥା ରହିବ । ମୋଟ ୪୪ଟି ଦ୍ୱାର ରହିଛି । ୩୩ଟି ଶିଢ଼ି ଚଢିବା ପରେ ଶ୍ରଦ୍ଧାଳୁ ମୁଖ୍ୟ ଦ୍ୱାରରେ ପହଁଚିପାରିବେ । ପୂର୍ବ ଦ୍ୱାରରେ ପ୍ରବେଶ ଓ ଦକ୍ଷିଣ ଦ୍ୱାର ଦେଇ ଭକ୍ତ ମନ୍ଦିର ବାହାରକୁ ବାହରିବେ । ଏଭଳି ଅନେକ ତଥ୍ୟ ଟ୍ରଷ୍ଟ ପକ୍ଷରୁ ଦିଆଯାଇଛି ।