ବିନା ଗ୍ୟାରେଣ୍ଟିରେ ନିଅନ୍ତୁ ଶିକ୍ଷା ଋଣ ! ସରକାର ଆରମ୍ଭ କଲେ ପ୍ରଧାନମନ୍ତ୍ରୀ ବିଦ୍ୟାଲକ୍ଷ୍ମୀ ଯୋଜନା: ଜାଣନ୍ତୁ କିଭଳି ଉଠାଇବେ ଏହି ଯୋଜନାର ଲାଭ
କନକ ବ୍ୟୁରୋ: ଛାତ୍ରଛାତ୍ରୀମାନଙ୍କ ଅଧ୍ୟୟନ ସମୟରେ ଆସୁଥିବା ଆର୍ଥିକ ବୋଝକୁ ହାଲୁକା କରିବାକୁ ସରକାର ଉଦ୍ୟମ ଆରମ୍ଭ କରିଛନ୍ତି । ଛାତ୍ରଛାତ୍ରୀମାନଙ୍କର ଆର୍ଥିକ ସମସ୍ୟାକୁ ଦୂର କରିବା ପାଇଁ କେନ୍ଦ୍ର ସରକାର ପ୍ରଧାନମନ୍ତ୍ରୀ ବିଦ୍ୟାଲକ୍ଷ୍ମୀ ଯୋଜନା ଆରମ୍ଭ କରିଛନ୍ତି। ଶିକ୍ଷା ଋଣ ଏବଂ ବ୍ୟାଙ୍କର ଅନ୍ୟାନ୍ୟ ଯୋଜନା ସମ୍ବନ୍ଧୀୟ ସମସ୍ତ ସୂଚନା ଏହି ୱେବସାଇଟରେ ଛାତ୍ରଛାତ୍ରୀମାନଙ୍କ ପାଇଁ ଉପଲବ୍ଧ ରହିଛି । ପ୍ରଧାନମନ୍ତ୍ରୀ ବିଦ୍ୟାଲକ୍ଷ୍ମୀ ଯୋଜନା ଅନୁଯାୟୀ ଛାତ୍ରମାନେ ୧୩ ଟି ବ୍ୟାଙ୍କରୁ ୧୨୬ ପ୍ରକାରର ଋଣ ପାଇପାରିବେ।
Kanak News is now on WhatsApp
Join and get latest news updates delivered to you via WhatsApp
ଏହି ଯୋଜନା ଅଧୀନରେ ଛାତ୍ରମାନଙ୍କୁ ଋଣ ପାଇଁ କେବଳ ଗୋଟିଏ ଫର୍ମ ପୂରଣ କରିବାକୁ ପଡିବ । ଅର୍ଥାତ୍ ଛାତ୍ରମାନଙ୍କ ଭବିଷ୍ୟତ ଗଢିବାରେ ଅର୍ଥର କୌଣସି ଅସୁବିଧା ହେବ ନାହିଁ । ଏହା ବ୍ୟତୀତ, ଯଦି କେହି ଅଭିଭାବକ ବ୍ୟାଙ୍କ ଋଣ ବାବଦରେ ଅଭିଯୋଗ କରିବାକୁ ଚାହାଁନ୍ତି, ତେବେ ସେମାନେ ମଧ୍ୟ ଏହି ଯୋଜନାର ୱେବସାଇଟରୁ ଅଭିଯୋଗ କରିପାରିବେ । ଏହି ଯୋଜନା ଅଧୀନରେ ୪ ଲକ୍ଷ ଟଙ୍କା ପର୍ଯ୍ୟନ୍ତ ଶିକ୍ଷା ଋଣ ଉପରେ କୌଣସି ପ୍ରକାରର ସିକ୍ୟୁରିଟି ଜମା କରିବାର ଆବଶ୍ୟକତା ନାହିଁ । ଅର୍ଥାତ ଆପଣ ବିନା ଗ୍ୟାରେଣ୍ଟିରେ ୪ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପାଇବେ ।