ମହାମାରୀ ବେଳେ ଲୋକଙ୍କୁ ଘାରିଛି ବଜାର ଚିନ୍ତା । ପରିବା ବଜାରରେ ଲାଗିଛି ନିଆଁ । ଖୋର୍ଦ୍ଧା ମାର୍କେଟ୍ ରେ ଆଳୁ କିଲୋକୁ ୪୦, ପିଆଜ ଡେଇଁଲାଣି ୫୫
କନକ ବ୍ୟୁରୋ : କରୋନା ସଂକ୍ରମଣ ଏବେ ଲୋକଙ୍କ ଆର୍ଥିକ ବ୍ୟବସ୍ଥାକୁ ବିଗାଡି ଦେଇଛି । ଏପଟେ ବଜାରରେ ପରିବା ଦର ଆକାଶ ଛୁଆଁ ହୋଇ ପଡିଛି । ବଜାରରେ ଯେଉଁ ପରିବା ଉପରେ ଆଖି ପକେଇଲେ ଏକ କିଲୋର ଦାମ ୪୦ରୁ ୫୦ ଟଙ୍କା ରହିଛି । ଆଉ ଏହି ପରବା ଦରର ଆକାଶ ଛୁଆଁ ଦାମରେ ହନ୍ତସନ୍ତ ହେଉଛନ୍ତି ମଧ୍ୟବିତ ଓ ଗରିବ ପରିବାର ।
Kanak News is now on WhatsApp
Join and get latest news updates delivered to you via WhatsApp
ରୋଷେଇ ଶାଳର ନିତ୍ୟ ବ୍ୟବହାର୍ୟ୍ୟ ପରିବା ଆଳୁ, ପିଆଜର ଦାମ ଶୁଣିଲେ ଖାଉଟି ଟିଏ କିଣିବ ନା ନାହିଁ ତାକୁ ନେଇ ଦ୍ୱନ୍ଦ୍ୱରେ ପଡୁଛି । ବଜାରରେ ଆଳୁ, ପିଆଜ ଦାମ ଯୋଗୁଁ ଲୋକେ ଅସନ୍ତୋଷ ହୋଇ ପରିବା କିଣୁଛନ୍ତି । ଅନ୍ୟ କେହି ଆଳୁ ପିଆଜ ପାଖରୁ ମୁହଁ ଫେରାଇ ନେଉଛନ୍ତି ।
କେବଳ ଆଳୁ ପିଆଜ ନୁହେଁ ଅନ୍ୟ ପରିବା ଦର ମଧ୍ୟ ଆକାଶ ଛୁଆଁ ରହିଛି । ଏହାକୁ ନେଇ ଏବେ ଗ୍ରାହକ ଚିନ୍ତାରେ ପଡିଛନ୍ତି । ବଜାରରେ ଅନ୍ୟ ପରିବା ଦାମ ମଧ୍ୟ ୫୦ ଟଙ୍କା ଉପରେ ରହିଛି । ତେଣୁ ମଧ୍ୟବିତ୍ତ ଓ ଗରିବ ପରିବାର ପାଇଁ ପରିବା କିଣିବା ଏବେ କାଠିକାର ପାଠ ହୋଇପଡିଛି ।
ଚଳିତ ବର୍ଷ ରାଜ୍ୟ ଓ ରାଜ୍ୟ ବାହାରେ ଅନେକ ସ୍ଥାନରେ ବନ୍ୟା ମଧ୍ୟ ହୋଇଥିଲା ଯେଉଁଥି ପାଇଁ ଅନେକ ସ୍ଥାନରେ ପରିବା ନଷ୍ଟ ମଧ୍ୟ ହୋଇଯାଇଛି । ତେଣୁ ବଜାରରେ ପରିବା ଦର ବୃଦ୍ଧି ପାଉଛି ବୋଲି କୁହାଯାଉଛି ।