ବନ୍ୟା ଉଜାଡିଦେଲା ଫସଲ : ଆଠଗଡରେ ଏକର ଏକର ଜମିରେ ପନିପରିବା ଓ ଧାନ ଚାଷ ନଷ୍ଟ, କଂଟାପଡା ଓ ବାରଙ୍ଗ ବ୍ଲକରେ ବି ଏକା ଅବସ୍ଥା; କେମିତି ଚଳିବ ପରିବାର ଚିନ୍ତାରେ ଚାଷୀ
କନକ ବ୍ୟୁରୋ : ମହାନଦୀ ବନ୍ୟା ଚାଷୀଙ୍କ ପାଇଁ ଆଣିଦେଇଛି ଦୁଃଖ । ବନ୍ୟା ସିନା ଚାଲିଯାଇଛି, କିନ୍ତୁ ନଷ୍ଟ ହୋଇଯାଇଛି ଏକର ଏକର ପରିବା ଓ ଧାନ ଫସଲ ।ଆଠଗଡର କିଛି ନଦୀ ତଳିଆ ଅଂଚଳରେ ଏଭଳି ପରିସ୍ଥିତି ଦେଖାଦେଇଛି । ବର୍ଷକର ରୋଜଗାର ପନ୍ଥା ଚାଲିଯାଇଥିବାରୁ ଚିନ୍ତାରେ ଆଠଗଡର ଚାଷୀ । କରଜ ସହ ହାଥ ଉଦ୍ଧାର କରି ଜମିରେ କରିଥିବା ଫସଲ ଏବେ ଉଜୁଡିଯାଇଛି । ପରିବା ଫସଲ ଏବେ ପଚିସଢି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କଟକ ଜିଲ୍ଲା ଅଧିନ କଂଟାପଡା ଓ ବାରଙ୍ଗ ବ୍ଲକରେ ବି ସେହି ଏକା ଅବସ୍ଥା । ବନ୍ୟାରେ ଏଠାକାର ଚାଷୀଙ୍କ ମୁଣ୍ଡରେ ସତେ ଯେମିତି ଚଡକ ପଡିଛି । ଏ ବର୍ଷ ପାଗ ଅନୁକୂଳ ନଥିବାରୁ ଚାଷୀ ବିଳମ୍ବରେ ଚାଷ କାମ ଆରମ୍ଭ କରିଥିଲା । କେନାଲରେ ପାଣି ଆସିବାରୁ ଚାଷ କାମ ବି ବିଳମ୍ବରେ ଆରମ୍ଭ ହେଲା । କିନ୍ତୁ ଏବେ ବନ୍ୟା ସବୁ ଉଜାଡି ଦେଇଛି । ଏକର ଏକର ଜମିରେ ଧାନ ଫସଲ ନଷ୍ଟ ହୋଇଛି ।