ବାପା ବିକ୍ରି କରନ୍ତି ପରିବା , ଏରୋନେଟିକ୍ ଇଞ୍ଚିନିୟରିଂ ପରୀକ୍ଷାରେ ଟପ୍ କରି ପରିବାର ପାଇଁ ଗର୍ବ ଆଣିଦେଲା ଝିଅ । ଘରକୁ ଛୁଟିଲା ଶୁଭେଚ୍ଛାର ସୁଅ
ଆତ୍ମବିଶ୍ୱାସ ଓ ଦୃଢ ଇଚ୍ଛାଶକ୍ତି ଥିଲେ ମଣିଷ ଅସମ୍ଭବକୁ ମଧ୍ୟ ସମ୍ଭବ କରିପାରେ । ଏକଥା ପ୍ରମାଣ କରି ଦେଖାଇଛନ୍ତି ଜଣେ ପରିବା ବିକାଳିଙ୍କ ଝିଅ । କର୍ଣ୍ଣାଟକରେ ରହୁଥିବା ଲଳିତାଙ୍କ ପିତା ପେସାରେ ହେଉଛନ୍ତି ଜଣେ ପରିବା ବିକାଳି । ପରିବା ବିକି ପରିବାରର ଗୁଜୁରାଣ ମେଣ୍ଟାନ୍ତି । ତେବେ ଅଭାବରେ ମଧ୍ୟ ଝିଅ ଲଳିତା ଏରୋନାଟିକ୍ ଇଞ୍ଜିନିୟରିଂ ପରୀକ୍ଷାରେ ସବୁଠାରୁ ଅଧିକ ନମ୍ବର ରଖି ଉତ୍ତିର୍ଣ୍ଣ ହୋଇଛନ୍ତି । ଝିଅର କୃତୀତ୍ୱ ଦେଖି ପିତାଙ୍କ ଖୁସି କହିଲେ ନସରେ । ଲଳୀତା ସ୍ୱର୍ଣ୍ଣ ପଦକ ସହ ଇଞ୍ଜିନିୟରିଂ ପାସ କରିଛନ୍ତି । ଲଳୀତାଙ୍କୁ ନୋବେଲ ବିଜେତା କୈଳାଶ ସତ୍ୟାର୍ଥୀ ଉଜ୍ଜଳ ଭବିଷ୍ୟତ ପାଇଁ ଶୁଭକାମନା ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Bravo, dear Lalitha beti! You and your parents are true inspiration. Chase your dream with same determination and self confidence. @thebetterindia https://t.co/HjteWMAcpt
— Kailash Satyarthi (@k_satyarthi) February 8, 2020
ସୂଚନାନୁସାରେ, ଲଳୀତାଙ୍କ ପରିବାରରେ ଗ୍ରାଜୁଏଟ୍ ପାସ କରିଥିବା ପ୍ରଥମ ସଦସ୍ୟ ହେଉଛନ୍ତ ସେ ନିଜେ । ତାଙ୍କ ପରିବାର ଅନେକ ବର୍ଷ ଧରି ନେହେରୁ ବଜାରରେ ପରିବା ବିକ୍ରି କରିଆସୁଛି । କଠିନ ପରିଶ୍ରମ କରି ଲଳୀତା ପରୀକ୍ଷାରେ ୯.୭ ପ୍ରତିଶତ ମାର୍କ ହାସଲ କରିଛନ୍ତି । ସବୁଠାରୁ ବଡ କଥା ହେଉଛି ଲଳୀତା ପାଠ ପଢିବା ସହିତ ପରିବା ବିକ୍ରିରେ ବାପା’ମାଙ୍କୁ ସାହାଯ୍ୟ କରିଥାନ୍ତି । ସେ ପ୍ରତିଦିନ ସକାଳ ୩-୪ ସମୟରେ ଉଠିଥାନ୍ତି । ଏଥି ସହିତ ବାଙ୍ଗଲୋର ସ୍ଥିତ ‘ଇଷ୍ଟ ୱେଷ୍ଟ କଲେଜ ଅଫ୍ ଇଞ୍ଜିନିୟରିଂ’ ଯିବା ଆଗରୁ ଦୋକାନରେ ବସି ଅଧ୍ୟୟନ କରିଥାନ୍ତି । ଲଳୀତାଙ୍କ ବାପା , ମାଆ ୫ମ ଶ୍ରେଣୀ ଯାଏଁ ପାଠ ପଢିଛନ୍ତି । ୨୨ବର୍ଷିୟ ଲଳୀତା ୨୦୧୫ରେ ପ୍ରଥମ ଥର ପାଇଁ ବାଙ୍ଗାଲୋର ଯାଇଥିଲେ । ‘ନ୍ୟାସନାଲ ସ୍କିଲ ଡେଭଲପମେଣ୍ଟ ପ୍ରୋଗ୍ରାମ’ ପକ୍ଷରୁ ତାଙ୍କୁ ତାଲିମ୍ ରେ ପଠାଇବା ପାଇଁ ଚୟନ କରାଯାଇଥିଲା । ଲଳୀତାଙ୍କ ଆଶା ରହିଛି କି ତାଙ୍କୁ ଏହି କ୍ଷେତ୍ରରେ କାମ କରିବାର ସୁଯୋଗ ମିଳିବ । ଯେଉଁଥିପାଇଁ ସେ ଖୁବ୍ ପରିଶ୍ରମ ମଧ୍ୟ କରୁଛନ୍ତି ।