ବଢୁଛି ବର୍ଷା-ଅନୁଭବ ବିବାଦ। ସାଇବର ଥାନାକୁ ଗଲେ ବର୍ଷା ପ୍ରିୟଦର୍ଶିନୀ । ଏପଟେ ସୋସିଆଲ୍ ମିଡିଆରେ ବର୍ଷା ଫ୍ୟାନ କ୍ଲବ ଓ ଅନୁଭବ ମୁହାଁମୁହିଁ ।
କନକ ବ୍ୟୁରୋ: ସାଂସଦ ଅନୁଭବ ମହାନ୍ତି ଓ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ବିବାଦ ବଢିବାରେ ଲାଗିଛି । ବର୍ଷା ଆଜି ସାଇବର ଥାନାରେ ଅନୁଭବଙ୍କ ବିରୋଧରେ ଏତଲା ଦେଇଛନ୍ତି । ଏଥିରେ କହିଛନ୍ତି ସୋସିଆଲ ମିଡିଆରେ ଭିଡିଓ ଅପଲୋଡ କରି ତାଙ୍କ ଉପରେ ବିଭ୍ରାନ୍ତକାରୀ ଏବଂ ଅସମ୍ନାନଜନକ ଟିପ୍ପଣୀ ଦେଉଛନ୍ତି । ତେଣୁ ଏହାକୁ ଏକ ସାଇବର ଅପରାଧ ଭାବେ ଗ୍ରହଣ କରି କାର୍ଯ୍ୟାନୁଷ୍ଠାନ ନେବାକୁ ସେ ଆବେଦନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ଷା ତାଙ୍କ ଏଫଆଇଆରରେ ଅନୁଭବ ମହାନ୍ତି ରିଅଲ ହିରୋ ଅଫ କେନ୍ଦ୍ରାପଡା ନାଁରେ ତିଆରି ହୋଇଥିବା ଫେସବୁକ ପୋଷ୍ଟ କଥା ଉଲ୍ଲେଖ କରିଛନ୍ତି । ସେପଟେ ସୋସିଆଲ ମିଡିଆରେ ଘୁରି ବୁଲୁଛି ବର୍ଷା ପ୍ରିୟଦର୍ଶିନୀଙ୍କୁ ସମର୍ଥନ କରି ବର୍ଷା ଫ୍ୟାନ୍ସ କ୍ଲବ ନାଁରେ ଏକାଧିକ ପୋଷ୍ଟ । ଯାହାକୁ ବର୍ଷା ନିଜେ ପରିଚାଳନା କରୁଥିବା ଅଭିଯୋଗ କରି ପ୍ରତିକ୍ରିୟା ରଖିଛନ୍ତି ଅନୁଭବ ।
ବର୍ଷା ଫ୍ୟାନ କ୍ଲବର ଅଭିଯୋଗ
- ଜଣେ ମହିଳାର ନାରୀତ୍ୱ ଓ ମାତୃତ୍ୱକୁ ନେଇ ସୋସିଆଲ ମିଡିଆରେ ନିଜ ସ୍ୱାମୀ ପ୍ରଶ୍ନ ଉଠାଇବା ଆମ ସମାଜ ପାଇଁ କଳଙ୍କ
ଫେସବୁକରେ ଅନୁଭବଙ୍କ ଜବାବ
- ଗତ ଦୁଇବର୍ଷ ହେଲା ମିଡିଆ କେବଳ ମୋତେ ବଦନାମ କରିଆସୁଛି । ଏବେ ଯେତେବେଳେ ଆପଣଙ୍କ ମୁଖା ପଛର ସତ ମୁଁ ସାମ୍ନାକୁ ଆଣୁଛି ଆପଣ ଭୟଭୀତ ହୋଇପଡୁଛନ୍ତି
ବର୍ଷା ଫ୍ୟାନ କ୍ଲବର ଅଭିଯୋଗ
- ସୋସିଆଲ ମିଡିଆରେ କଣ ସତ କଣ ଅସତ୍ୟ ତାର ବିଚାର ହୁଏ ନା ବିଚାର ହୁଏ ନ୍ୟାୟାଳୟରେ?
ଫେସବୁକରେ ଅନୁଭବଙ୍କ ଜବାବ
- ଜଣେ ଜନପ୍ରତିନିଧି ହୋଇ ସୋସିଆଲ ମିଡିଆରେ ଏଭଳି ଲେଖିବାକୁ ପଡୁଥିବାରୁ ମୁଁ ଖୁବ ଦୁଃଖୀତ । କିନ୍ତୁ ମୁଁ ଚିପ ହୋଇ ବସିପାରିବା ନାହିଁ
ବର୍ଷା ଫ୍ୟାନ କ୍ଲବର ଅଭିଯୋଗ
- ଜଣେ ସ୍ତ୍ରୀକୁ ନିର୍ଯାତନା ଦେଇ ଘର ଭିତରକୁ ପ୍ରବେଶ କରାଇ ନଦେଇ ପଳେଇବା ଓ ଘରେ ପ୍ରବେଶ କରିବାକୁ ପୋଲିସର ସହୟତା ନେବାକୁ ପଡିବା ପାଇଁ ଦାୟୀ କିଏ?
ଫେସବୁକରେ ଅନୁଭବଙ୍କ ଜବାବ
- ଏଭଳି ମିଛ ଲୋକଙ୍କୁ ବିଶ୍ୱାସ ନକରିବାକୁ ମୁଁ ଓଡିଶା ପୋଲିସ ଓ ସାଇବର ବିଭାଗକୁ ଅନୁରୋଧ କରୁଛି । କାରଣ ସେ ଜଣେ ନୁହନ୍ତି ଏହା ପଛରେ ଏକ ଟିମ୍ କାମ କରୁଛି