ଓଡ଼ିଶା ଆସୁ ଦିଲ୍ଲୀ ମାମଲା, ସୁପ୍ରିମକୋର୍ଟରେ ଅପିଲ କଲେ ବର୍ଷା: ଅନୁଭବଙ୍କ ଓକିଲ କହିଲେ ବର୍ଷାଙ୍କ ରହିଛି ନିଜସ୍ୱ ଆୟ, ଦିଲ୍ଲୀ ଆସି ଲଢ଼ିପାରିବେ ମାମଲା

ବର୍ଷାଙ୍କ ଓକିଲଙ୍କ ଜବାବ, ଏକୁଟିଆ ମହିଳା ଯିବା ଆସିବାରେ ହେବ ଅସୁବିଧା, ଦିଲ୍ଲୀରେ ନାହିଁ ବର୍ଷାଙ୍କ ଘର

ନ୍ୟୁଜ୍
By smruti sangita giri
177

କନକ ବ୍ୟୁରୋ: ସୁପ୍ରିମକୋର୍ଟରେ ପହଂଚିଲା ବର୍ଷା ଅନୁଭବ ବିବାହ ବିଚ୍ଛେଦ ମାମଲା । ଦିଲ୍ଲୀ କୋର୍ଟରୁ କଟକ କୋର୍ଟକୁ ଛାଡପତ୍ର ମାମଲା ସ୍ଥାନାନ୍ତର ପାଇଁ ସୁପ୍ରିମକୋର୍ଟରେ ଆବେଦନ କରିଛନ୍ତି ବର୍ଷା ପ୍ରିୟ ଦର୍ଶିନୀ । ପଟିଆଲା ହାଉସକୋର୍ଟରେ ଛାଡପତ୍ର ଆବେଦନ କରିଛନ୍ତି କେନ୍ଦ୍ରାପଡା ସାଂସଦ । ସେହି ମାମଲାକୁ କଟକ ଫ୍ୟାମଲି କୋର୍ଟକୁ ସ୍ଥାନାନ୍ତର କରିବା ପାଇଁ ସୁପ୍ରିମକୋର୍ଟ ଯାଇଛନ୍ତି ବର୍ଷା ପ୍ରିୟଦର୍ଶିନୀ । ଅନ୍ୟପଟେ ସର୍ବୋଚ୍ଚ ନ୍ୟାୟଳୟରେ ଶୁଣାଣି ଆଗରୁ ମହକିଲଙ୍କ ପାଇଁ ଦୁଇ ଓକିଲଙ୍କ ମଧ୍ୟରେ କଥା କଟାକଟି ଦେଖିବାକୁ ମିଳିଛି ।

୨୦୧୪ରେ ପଡ଼ିଥିବା ସମ୍ପର୍କର ଡୋରୀ, ୨୦୨୦ ମସିହା ଆସିଲା ବେଳକୁ ହୁଗୁଳା ପଡ଼ିଯିବ, ହୁଏତ ଏହି କଥା କେହି କଳ୍ପନା ବି କରିନଥିବେ । ବର୍ଷା-ଅନୁଭବଙ୍କ ଦାମ୍ପତ୍ୟ ଜୀବନରେ ଉଠିଥିବ ଝଡ଼, ଧୀରେ ଧୀରେ ବ୍ୟାପକ ହେଉଛି ସିନା, ଶାନ୍ତ ପଡ଼ିବାର ନାଁ ନେଉନି । ଆଉ ଏହାରି ଭିତରେ ସୁପ୍ରିମକୋର୍ଟରେ ପହଂଚିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ।

ବର୍ଷା-ଅନୁଭବ ବିବାହ ବିଚ୍ଛେଦ ମାମଲା ସୁପ୍ରିମକୋର୍ଟରେ ପହଂଚିଛି । ଦିଲ୍ଲୀରୁ କଟକ, ମାମଲା ସ୍ଥାନାନ୍ତର କରିବା ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ବର୍ଷା ପ୍ରିୟଦର୍ଶିନୀ । ବିବାହ ବିଚ୍ଛେଦ ପାଇଁ ଦିଲ୍ଲୀ ପଟିଆଲା ହାଉସକୋର୍ଟରେ ସାଂସଦ ଅନୁଭବ ମହାନ୍ତି ଯେଉଁ ପିଟିସନ ଦାଖଲ କରିଛନ୍ତି, ସେହି ମାମଲାକୁ କଟକ ଫ୍ୟାମିଲି କୋର୍ଟକୁ ସ୍ଥାନାନ୍ତର ପାଇଁ ଅନୁରୋଧ କରିଛନ୍ତି ବର୍ଷା । ବର୍ଷାଙ୍କ ସୁପ୍ରିମକୋର୍ଟ ଓକିଲ ଆବେଦନରେ ଦର୍ଶାଇଛନ୍ତି-
– ଦିଲ୍ଲୀ ଯାଇ ମାମଲା ଲଢିବା ବର୍ଷାଙ୍କ ପାଇଁ ସମ୍ଭବ ନୁହେଁ
– ଏକୁଟିଆ ମହିଳା ଦିଲ୍ଲୀ ଯାଇ ମାମଲା ଲଢ଼ିବା କଷ୍ଟକର
– ଅନୁଭବଙ୍କ ଘର ଉଭୟ ଦିଲ୍ଲୀ ଓ କଟକରେ ରହିଛି
– ମାମଲା ସ୍ଥାନାନ୍ତର ହେଲେ ଅନୁଭବଙ୍କ ଅସୁବିଧା କ’ଣ?
ଏପଟେ ବିବାହ ବିଚ୍ଛେଦ ପିଟିସନ୍ କଟକ ସ୍ଥାନାନ୍ତର ପ୍ରସଙ୍ଗରେ ଅନୁଭବଙ୍କ ଓକିଲ କହିଛନ୍ତି-
– ବର୍ଷାଙ୍କ ନିଜସ୍ୱ ଆୟ ରହିଛି, ଦିଲ୍ଲୀ ଆସି ମାମଲା ଲଢ଼ିବାରେ ସମସ୍ୟା ନାହିଁ
 
-ବର୍ଷା ଲୋକପ୍ରିୟ ଅଭିନେତ୍ରୀ, ସୁଟିଂ ପାଇଁ ବିଭିନ୍ନ ସ୍ଥାନକୁ ଯାଆନ୍ତି
-ତେବେ ଦିଲ୍ଲୀ ଆସି ମାମଲା ଲଢ଼ିବାରେ କୌଣସି ଅସୁବିଧା ନାହିଁ
-କୋର୍ଟଙ୍କ ନିଷ୍ପତି ଅନୁସାରେ ପରବର୍ତୀ ପଦକ୍ଷେପ ନିଆଯିବ
ତେବେ ଦେଖିବାର କଥା, ପଟିଆଲା ହାଉସକୋର୍ଟରେ ଅନୁଭବ ଦାଖଲ କରିବା ପିଟିସନ୍ ଏବଂ ମାମଲାକୁ କଟକ ସ୍ଥାନାନ୍ତର ପାଇଁ ବର୍ଷା, ସୁପ୍ରିକୋର୍ଟରେ କରିଥିବା ଆବେଦନ ଭିତରେ, ବର୍ଷା-ଅନୁଭବ ବିବାଦ ଆଗକୁ କେଉଁ ମୋଡ଼ ନେଉଛି?
ସମ୍ବନ୍ଧିତ ଖବର More from author