କେମିତି ହୋଇଥିଲା ଅନୁଭବ-ବର୍ଷାଙ୍କ ବାହାଘର ? ପିଟିସନରେ ବିବାହ ପୂର୍ବର ଚାଞ୍ଚଲ୍ୟକର ତଥ୍ୟ ଦେଲେ ବର୍ଷା । ଆତ୍ମହତ୍ୟାର ଧମକ ଦେଇଥିଲେ, ହାତ କାଟି, ଛାତିରେ ଛୁରୀ ଲଗାଇ ବାହା ହେବାକୁ ବାଧ୍ୟ କରିଥିଲେ ଅନୁଭବ ।
କନକ ବ୍ୟୁରୋ: ବିବାଦରେ ବଡ ପରଦାର ବଡ ଷ୍ଟାର । ସିନେମା ନୁହେଁ ସତ ସମ୍ପର୍କରେ ହୋଇଛି ଫାଟ । ଲକଡାଉନରେ ଆରମ୍ଭ ହୋଇଥିବା ଫାଟ ଏବେ ଲଭଷ୍ଟୋରୀର ଦି ଏଣ୍ଡ କରିବାକୁ ବସିଛି । ତେବେ ଅନୁଭବଙ୍କ ନାଁରେ ସାଙ୍ଘାତିକ ଅଭିଯୋଗ ଆଣିଛନ୍ତି ବର୍ଷା । ସ୍ୱାମୀ ଅନୁଭବଙ୍କ ବିରୋଧରେ ନିର୍ଯାତନା ଅଭିଯୋଗ ଆଣି ନ୍ୟାୟ ପାଇଁ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ବର୍ଷା । ଆଉ କଟକ ଏସଡିଜେଏମ କୋର୍ଟରେ ଅଭିଯୋଗ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ କୋର୍ଟଙ୍କ ଦ୍ୱାରସ୍ଥ ହେବା ପରେ କେଉଁ ଅଭିଯୋଗ ଆଣିଛନ୍ତି ବର୍ଷା ତାର ପୂରା ତଥ୍ୟ ନିଜ ପିଟିସନରେ ଉଲ୍ଲେଖ କରିଛନ୍ତି । ତେବେ ପିଟିସନରେ ନିଜ ପ୍ରେମ କାହାଣୀ ନେଇ ଚାଞ୍ଚଲ୍ୟକର କଥା କହିଛନ୍ତି ବର୍ଷା । କେମିତି ବିବାହ କରିବାକୁ ଅନୁଭବ ତାଙ୍କୁ ବାଧ୍ୟ କରୁଥିଲେ ସେ ନେଇ ସବିଶେଷ ଖୁଲାସା କରିଛନ୍ତି । ତେବେ ପିଟିସନରେ ବିବାହ, ପ୍ରେମଠାରୁ ଆରମ୍ଭ କରି ବର୍ତମାନ ଯାଏଁ ଘଟିଥିବା ଘଟଣାର ସବୁ କଥା ବର୍ଣ୍ଣନା କରିଛନ୍ତି ବର୍ଷା । ପିଟିସନରେ ସେ କହିଛନ୍ତି, ୨୦୧୪ ଫେବୃଆରୀ ୮ ତାରିଖରେ ଦୁଇ ପରିବାରଙ୍କ ସହମତିରେ ସେମାନଙ୍କର ଆରେଂଜ ମ୍ୟାରେଜ ହୋଇଥିଲା । ଦୁଇ ଜଣ ଯାକ ଓଡିଆ ଫିଲ୍ମ ଇଂଡଷ୍ଟ୍ରିର ନାମୀ କଳାକାର । ଦୁହେଁ ପରସ୍ପରକୁ ଦୀର୍ଘ ଦିନ ଧରି ଜାଣିଥିଲେ ।
୬ ବର୍ଷ ଧରି ସେମାନଙ୍କ ମଧ୍ୟରେ ପ୍ରେମ ସଂପର୍କ ରହିଥିଲା । ତେବେ ବାହାହେବାକୁ ବାଧ୍ୟ କରିଥିଲେ ଅନୁଭବ । ଏମିତିକି ଆତ୍ମହତ୍ୟାର ଧମକ ବି ଦେଇଥିଲେ । ଅନୁଭବଙ୍କୁ ବିବାହ କରିବା ପାଇଁ ଅନେକ ସମୟରେ ବିଭିନ୍ନ କୌଶଳ ଅବଳମ୍ବନ କରୁଥିଲେ । ଆତ୍ମହତ୍ୟା ଉଦ୍ୟମ କରିବା, ନିଜ ହାତ, ଗୋଡ, ଛାତି ଛୁରିରେ କାଟିଦେବା ପରି କାମ କରି ସେ ବିବାହ କରିବାକୁ ବାଧ୍ୟ କରୁଥିଲେ । ଏଭଳି ହରକତ ପରେ ବର୍ଷାଙ୍କ ମାଆ ଅନୁଭବଙ୍କୁ ବିବାହ କରିବାକୁ ରାଜି ହୋଇଥିବା ପିଟିସନରେ ଉଲ୍ଲେଖ ରହିଛି ।