ବାଣୀବିହାରରେ ଫୁଟିଲା ବୋମା ! ଛାତ୍ରୀ ନିବାସର କାନ୍ଥ ଉପରେ ହେଲା ବୋମାମାଡ

7

କନକ ବ୍ୟୁରୋ : ବାଣୀବିହାରରେ ଫୁଟିଲା ବୋମା । ଆଜି ଅପରାହ୍ନ ପ୍ରାୟ ସାଢେ ୪ଟାରେ ଉତ୍କଳ ବିଶ୍ୱବିଦ୍ୟାଳୟର ୫ ନମ୍ବର ମହିଳା ହଷ୍ଟେଲ ଉପରକୁ ବୋମା ଫିଙ୍ଗିଛନ୍ତି ଦୁର୍ବୃତ୍ତ । ସେପଟେ ଏହାକୁ ନେଇ ଉତ୍ତେଜନା ଭିତରେ ବି ମୁହାଁମୁହିଁ ହୋଇଛନ୍ତି ପୋଲିସ ଓ ଛାତ୍ରଗୋଷ୍ଠୀ । ପରିସ୍ଥିତିକୁ ଦୃଷ୍ଟିରେ ରଖି ବିଶ୍ୱବିଦ୍ୟାଳୟରେ ୧୪୪ ଧାରା ଜାରି ହୋଇଛି ।

ଏହା ପୂର୍ବରୁ ବିଶ୍ୱବିଦ୍ୟାଳୟ ୧ ନମ୍ବର ଗେଟ ନିକଟରେ କିଛି ପ୍ରତିବାଦକାରୀ ଛାତ୍ର ଗୋଷ୍ଠୀ ସହ ପୋଲିସର ଧସ୍ତାଧସ୍ତି ହୋଇଛି । ଗତକାଲି ବାଣୀବିହାରରେ କ୍ୟାମ୍ପସରେ ପଶି କିଛି ଛାତ୍ରଙ୍କୁ ଆକ୍ରମଣ ଘଟଣାରେ ପୋଲିସର ନିସ୍କ୍ରିୟତାକୁ ଦାୟୀ କରି ଆନ୍ଦୋଳନକୁ ଓହ୍ଲାଇଛନ୍ତି ଛାତ୍ର କଂଗ୍ରେସ ଓ ଏବିଭିପି ସମର୍ଥୀତ ଛାତ୍ର ଗୋଷ୍ଠୀ । ଏହାକୁ ନେଇ ଉତେଜନା ଭିତରେ କ୍ୟାମ୍ପସରେ ୪ ପ୍ଲାଟୁନ ପୋଲିସ ମୁତୟନ ହୋଇଛନ୍ତି ।

ପୋଲିସ କମିଶନର ଓ ଡିସିପି ବାଣୀବିହାରରେ ପହଁଚିଛନ୍ତି । ବିଶ୍ୱବିଦ୍ୟାଳୟର ଅଶାନ୍ତ ପରିବେଶ ପରେ ଛାତ୍ର ସଂସଦ ନିର୍ବାଚନକୁ ନେଇ ସନ୍ଦେହ ସୃଷ୍ଟି ହୋଇଛି । ଏହା ପଛରେ କୌଣସି ଯୋଜନାବଦ୍ଧ ଷଡଯନ୍ତ୍ର ଅଛି କି? ବିଜେବି କଲେଜ ପରେ ବାଣୀ ବିହାରରେ ଛାତ୍ର ସଂସଦ ନିର୍ବାଚନ ବନ୍ଦ ହେବ କି?

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.