କୋଭିଡ ଟିକାକୁ ନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ପ୍ରତିକ୍ରିୟା: କହିଲେ ଆସନ୍ତା ବର୍ଷ ଆରମ୍ଭରେ ଭାରତକୁ ମିଳିଯିବ କୋଭିଡ ଟିକା; ଭ୍ୟାକସିନ ବିତରଣ ନେଇ ଏବେ ପ୍ରସ୍ତୁତ ହେଉଛି ରଣନୀତି
କନକ ବ୍ୟୁରୋ: ସାରା ବିଶ୍ୱକୁ କରୋନା କଲବଲ କରୁଥିବା ବେଳେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ କେବେ ଆସିବ କରୋନା ଟିକା । ଆଜି ଏହି ପ୍ରଶ୍ନର ଉତର ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ । କହିଛନ୍ତି, ଆସନ୍ତା ବର୍ଷ ଆରମ୍ଭରେ ଏକାଧିକ ସ୍ରୋତରୁ କରୋନା ଟିକା ମିଳିବା ନେଇ ଆଶା ରଖିଛି ଭାରତ । ଦେଶରେ କରୋନା ଟିକା କେମିତି ବିତରଣ କରାଯିବ ସେନେଇ ଦେଶର ବିଶେଷଜ୍ଞମାନେ ଏବେ ରଣନୀତି ପ୍ରସ୍ତୁତି କରିବାରେ ଲାଗିଥିବା କହିଛନ୍ତି ସ୍ୱାସ୍ଥ୍ୟମନ୍ତ୍ରୀ । ଦେଶରେ ଏବେ ୪ଟି କରୋନା ଭାଇରସ ଭ୍ୟାକସିନର କ୍ଲିନିକାଲ ଟ୍ରାଏଲ ଆଡଭାନ୍ସ ଷ୍ଟେଜରେ ଥିବା କହିଛନ୍ତି ଡକ୍ଟର ହର୍ଷବର୍ଦ୍ଧନ ।
Kanak News is now on WhatsApp
Join and get latest news updates delivered to you via WhatsApp
ସେପଟେ କରୋନାରୁ ସୁସ୍ଥ ହେବା ପରେ ଶରୀରରେ ନିର୍ମିତ ଇମ୍ୟୁନିଟି ବା ଭୂତାଣୁ ପ୍ରତିରୋଧକ ଶକ୍ତି ସୁରକ୍ଷା କବଡ ନୁହେଁ । ଆକ୍ରାନ୍ତ ବ୍ୟକ୍ତି ସୁସ୍ଥ ହେବା ପରେ ପୁନଃ ସଂକ୍ରମିତ ହେବାର ଭୟ ରହିଛି । ବିଶ୍ୱର ୪ଟି ପ୍ରାମାଣିକ ପୁନଃସଂକ୍ରମଣ ମାମଲାକୁ ନେଇ ଏକ ରିସର୍ଚ୍ଚ ଷ୍ଟଡି ପ୍ରକାଶ କରିଛି ପ୍ରତିଷ୍ଠିତ ଲାନସେଟ ଇନଫେକଟିଅସ ଡିଜିଜ ଜର୍ଣ୍ଣାଲ । ଏଥିରେ କୁହାଯାଇଛି, ଦ୍ୱିତୀୟ ଥର ସଂକ୍ରମିତ ବ୍ୟକ୍ତିଙ୍କ ଠାରେ କରୋନାର ଗମ୍ଭୀର ଲକ୍ଷଣ ଦେଖାଯାଉଛି ।