କନକ ବ୍ୟୁରୋ : ଟିକା ପାଇଁ ଲମ୍ବାଲାଇନ । ରାତି ୨ଟାରୁ ଲୋକେ ଆସି ଟିକା ପାଇଁ କରିଛନ୍ତି ଅପେକ୍ଷା । ଲାଗିଛି ଗହଳି । କେନ୍ଦ୍ରପଡା ମହାବିଦ୍ୟାଳୟରେ ଟିକା ନେବା ପାଇଁ ଲୋକେ ଲମ୍ବାଲାଇନ ଲଗାଇଛନ୍ତି । ଟିକା ଆସିଛି ୪ ଶହ କିନ୍ତୁ ଟିକା ନେବା ପାଇଁ ଲୋକ ଆସିଛନ୍ତି ହଜାରେରୁ ଅଧିକ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ଏବେ ତୃତୀୟ ପର୍ଯ୍ୟାୟ ଟିକାକରଣ ଚାଲିଛି । କିନ୍ତୁ ଅଧିକାଂଶ ସ୍ଥାନରେ ଟିକା ଉପଲବ୍ଧ ହେଉନଥିବାରୁ ସମସ୍ୟା ଦେଖାଦେଇଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଭୁବନେଶ୍ୱର ଛଡା ରାଜ୍ୟର ସବୁ ସ୍ଥାନରେ ଏବେ ଟିକାର ପ୍ରଥମ ଡୋଜ ମିଳିବନି ବୋଲି ଘୋଷଣା କରିଛନ୍ତି । କୋଭିସିଲ୍ଡର ଅଭାବ ପାଇଁ ଏବେ କେବଳ ଦିଆଯିବ ଦ୍ୱିତୀୟ ଡୋଜ । ଆଉ ଏହାରି ଭିତରେ ଟିକା ନେବା ପାଇଁ ଟିକାକରଣ କେନ୍ଦ୍ରରେ ଲୋକଙ୍କ ଲମ୍ବା ଲାଇନ୍ ଦେଖିବାକୁ ମିଳିଛି । ଟିକାନେବା ପାଇଁ ଆସିଥିବା ଲୋକେ ଭୁଲିଯାଉଛନ୍ତି ସାମାଜିକ ଦୂରତା । ଲାଇନରେ ଛିଡା ହୋଇ ଠେଲାପେଲା ହେଉଛନ୍ତି । ଯାହାଦ୍ୱାରା ଲୋକେ ଅଧିକ କରୋନା ସଂକ୍ରମିତ ହେବାର ଆଶଂକା ରହିଛି