କନକ ବ୍ୟୁରୋ: ଅଧିକାରୀଙ୍କ ସହ ଚାଲିଥିଲା ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ଧାମୀଙ୍କ ଉଚ୍ଚସ୍ତରୀୟ ବୈଠକ । ଏହି ସମୟରେ ତାଙ୍କ ପାଖୁ ଜଣେ ବ୍ୟକ୍ତିଙ୍କ କଲ ଆସିଥିଲା, ଯେଉଁଥିରେ ସେ ନିଜର ସମସ୍ୟା ମୁଖ୍ୟମନ୍ତ୍ରୀଙ୍କୁ କହିଥିଲେ ।
सीएम हो तो ऐसा... फैसला ऑन द स्पॉट !
मुख्यमंत्री @pushkardhami जी ने शिकायतकर्ता से फ़ोन पर बात कर विस्तृत फीडबैक लिया, इस दौरान शिकायतकर्ता को समय से समाधान ना मिलने पर सम्बंधित अधिकारी पर कार्रवाई के भी निर्देश दिए। pic.twitter.com/l33bcRLMaI
— Office Of Pushkar Singh Dhami (@OfficeofDhami) March 16, 2024
କଥା ହେଉଛି ବ୍ୟକ୍ତି ଜଣକ ଗତ ୩ ମାସ ହେବ ଆବଶ୍ୟକତାଠାରୁ ଅଧିକ ବିଦ୍ୟୁତ୍ ବିଲ ଦେଉଛନ୍ତି । କାରଣ ପୂର୍ବ ଅପେକ୍ଷା ଗତ ୩ ମାସ ହେବ ତାଙ୍କର ଅଧିକ ବିଲ ଆସୁଛି । ଏନେଇ ସମ୍ପୃକ୍ତ ଅଧିକାରୀଙ୍କୁ ଜଣାଇଥିଲେ ବି ସେ ଆଉ ଏକ ଚେକ୍ ମିଟର ଲଗାଇବାକୁ କହି କଥା ସାରିଦେଇଥିଲେ । ବାସ୍ ସେବେଠୁ ତାଙ୍କ ସମସ୍ୟାର ସମାଧାନ ହେଉିନି ।
ବ୍ୟକ୍ତିଙ୍କଠାରୁ ଏଭଳି ଅଭିଯୋଗ ପାଇବା ପରେ ମିଟିଂ ମଝିରେ ହିଁ ବିଭାଗୀୟ ଅଧିକାରୀଙ୍କୁ ଫୋନ୍ ଲଗାଇଥିଲେ ଏବଂ ଏହି ସମସ୍ୟା କାହିଁକି ଏଯାଏଁ ସମାଧାନ ହୋଇନାହିଁ ବୋଲି ଜବାବ ମାଗିଥିଲେ । କହିଥିଲେ , ‘କାମ କରିବାର ମାନସିକତା ଥିବା ଦରକାର । ଯଦି ୧୫ ଦିନ ଭିତରେ ସମସ୍ୟା ସମାଧାନ ହୋଇପାରୁନି ତାକୁ ଆଗକୁ ଫରୱାର୍ଡ କରିବା ଦରକାର’ । ଏଭଳି ଧାମୀ ତୁରନ୍ତ ବ୍ୟକ୍ତିଙ୍କ ବିଦ୍ୟୁତ ସମ୍ପର୍କୀତ ସମସ୍ୟା ସମାଧାନ କରିବାକୁ ନିର୍ଦ୍ଦେଶ ଦେଇଥିବା ଏବେ ସୋସିଆଲ ମିଡିଆରେ ଭାଇରାଲ ହେଉଛି ।