ଚିନ୍ତା ବଢାଇଲା ଛୋଟ ପିଲାଙ୍କ ମୃତ୍ୟୁ । ଉତରପ୍ରଦେଶ ଫିରୋଜାବାଦରେ ଅଜଣା ଜ୍ୱରରେ ମୃତ୍ୟୁ ସଂଖ୍ୟା ୬୮ରେ ପହଁଚିଲା । ମୃତକଙ୍କ ମଧ୍ୟରେ ୪୬ଟି ଛୋଟ ପିଲା
କନକ ବ୍ୟୁରୋ : ସାରା ଦେଶରେ କରୋନାର ଦ୍ୱିତୀୟ ଲହର କମି କମି ଆସୁଥିବା ବେଳେ ଏବେ ଉତ୍ତରପ୍ରଦେଶରେ ଭାଇରାଲ ଜ୍ୱର ଓ ଜ୍ୱରରେ ଶିଶୁଙ୍କ ମୃତ୍ୟୁକୁ ନେଇ ଚିନ୍ତାରେ ଯୋଗୀ ସରକାର । ରାଜ୍ୟରେ ଡେଙ୍ଗୁ, ମେଲେରିଆ କବଳକୁ ଆସିଛି ରାଜ୍ୟର ଫିରୋଜାବାଦ ସହର । ଏଠାରେ ଏଭଳି ଭାଇରାଲ ଜ୍ୱର ଫଳରେ ମୋଟ ୬୮ ଜଣଙ୍କର ମୃତ୍ୟୁ ହୋଇଛି । ସେମାନଙ୍କ ମଧ୍ୟରେ ୪୬ ଜଣ ଶିଶୁ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସୂଚନା ପାଇବା ପରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଟଣାର ସତ୍ୟା ସତ୍ୟ ଜାଣିବାକୁ ନିଜେ ହସ୍ପିଟାଲରେ ପହଂଚିଥିଲେ । ସେଠାରେ ଥିବା ସରକାରୀ ମେଡିକାଲରେ ପହଂଚି ନିଜେ ମୁଖ୍ୟମନ୍ତ୍ରୀ ଘଟଣାର ତର୍ଜମା କରିଥିଲେ । ସେପଟେ କାଂସଗଜ ଓ ଫରୁଖାବାଦରେ ୩ ଜଣ ଲେଖାଏଁ ଶିଶୁଙ୍କର ଭାଇରାଲ ଜ୍ୱର ସଂକ୍ରମଣରେ ମୃତ୍ୟୁ ହୋଇଛି । ଏସବୁ ଘଟଣାର ଯାଂଚ କରିବା ପରେ ନିଜେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗଣମାଧ୍ୟମକୁ କହିଛନ୍ତି କି ବାସ୍ତବରେ କରୋନାରେ ୩୨ ଜଣ ଶିଶୁଙ୍କର ମୃତ୍ୟୁ ହୋଇଛି । ଏହାସହ ଏହି ଭୂତାଣୁ ସଂକ୍ରମଣ ଫଳରେ ଶହ ଶହ ଶିଶୁ ପ୍ରଭାବିତ ହୋଇଥିବା ଜଣାପଡିଛି । ସେପଟେ ସଂକ୍ରମିତ ପିଲାଙ୍କୁ କୋଭିଡ-୧୯ ପାଇଁ ପ୍ରସ୍ତୁତ କରାଯାଇଥିବା ମେଡିକାଲ ୱାର୍ଡରେ ଭର୍ତ୍ତି କରାଯାଉଛି ।