କନକ ବ୍ୟୁରୋ: ନିର୍ବାଚନ ତାରିଖ ଯେତିକି ନପାଖେଇ ଆସୁଛି, ଉତର ପ୍ରଦେଶରେ ସେତିକି ତେଜୁଛି ରାଜନୀତି । ପ୍ରତ୍ୟେକ ଦିନ ନେତାଙ୍କ ଭିନ୍ନ ଭିନ୍ନ ମତ ସାମ୍ନାକୁ ଆସୁଛି । କଂଗ୍ରେସ ନେତ୍ରୀ ତଥା ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ, ଉତର ପ୍ରଦେଶରେ କଂଗ୍ରେସର ମୁଖ୍ୟମନ୍ତ୍ରୀ ଚେହେରା ବୋଲି ସାମ୍ବାଦିକଙ୍କୁ ଦେଇଥିଲେ ପ୍ରତିକ୍ରିୟା । ହେଲେ ନିଜର ଏହି କଥାରୁ ଏବେ ସେ ପଲଟି ଯାଇଛନ୍ତି । ସେପଟେ ବାପା ମୁଲାୟମ ସିଂହଙ୍କ ଆସନରୁ ନିର୍ବାଚନ ଲଢିବେ ସପା ମୁଖ୍ୟ ଅଖିଳେଶ ଯାଦବ । ଏହାରି ଭିତରେ ସତାକୁ ଫେରିବା ପାଇଁ ବିଜେପି ଚଳାଇଛି ଜୋରଦାର ନିର୍ବାଚନ ପ୍ରଚାର ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ବିଧାନସଭା ନିର୍ବାଚନରେ ପୁଣିଥରେ ବାଜି ମାରିବା ଲକ୍ଷ ନେଇ ଉତର ପ୍ରଦେଶରେ ଜୋର ଦାର ପ୍ରଚାର ଚଳାଇଛି ବିଜେପି । ଶନିବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଘର ଘର ବୁଲି ପାମ୍ପଲେଟ୍ ବାଂଟିବା ସହ ଲୋକଙ୍କୁ ବିଜେପିକୁ ଭୋଟ ଦେବା ପାଇଁ କହୁଛନ୍ତି ଅମିତ ଶାହ । ଉତରପ୍ରଦେଶର କିରାନାରେ ବିଜେପି ପକ୍ଷରୁ ଡୋର ଟୁ ଡୋର କ୍ୟାମ୍ପେନ୍ କରାଯାଇଛି । ନିର୍ବାଚନ କମିଶନ ପ୍ରଚାରର ଶେଷ ତାରିଖ ଘୁଂଚାଇଥିବାବେଳେ ଏବେ ଭୋଟରକୁ ପ୍ରଭାବିତ କରିବା ପାଇଁ ଲାଗି ପଡିଛନ୍ତି ନେତା ।
ସେପଟେ କଂଗ୍ରେସ କ୍ୟାମ୍ପରେ ବି ଦେଖିବାକୁ ମିଳୁଛି ନୂଆ କଥା । ଉତରପ୍ରଦେଶରେ କିଏ ହେବେ କଂଗ୍ରେସ ମୁଖ୍ୟମନ୍ତ୍ରୀ ପ୍ରାର୍ଥୀ । ଶୁକ୍ରବାର ଯୁବବର୍ଗଙ୍କ ପାଇଁ ନିର୍ବାଚନୀ ଇସ୍ତାହାର ଘୋଷଣା ବେଳେ ସାମ୍ବାଦିକଙ୍କ ପ୍ରଶ୍ନର ଉତରରେ ନିଜକୁ କଂଗ୍ରେସର ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଉପସ୍ଥାପିତ କରିଥିଲେ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ । ହେଲେ ଆଜି ପ୍ରିୟଙ୍କା ଓଲଟା ଉତର ଦେଇଛନ୍ତି । କହିଛନ୍ତି, ସେ ମୁଖ୍ୟମନ୍ତ୍ରୀ ପ୍ରାର୍ଥୀ ନୁହନ୍ତି । ସାମ୍ବାଦିକମାନେ ମୁଖ୍ୟମନ୍ତ୍ରୀ କିଏ ବୋଲି ବାରମ୍ବାର ପ୍ରଶ୍ନ କରିବାରୁ ଚିଡିଯାଇ ସେ ମୁଖ୍ୟମନ୍ତ୍ରୀ ପ୍ରାର୍ଥୀ ବୋଲି କହିଥିଲେ ।
ୟୁପିର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ନେତା ନିଜ ବାପା ମୁଲାୟମ ସିଂହଙ୍କ ଆସନ କାରହାଲରୁ ପ୍ରତିଦ୍ୱନ୍ଦିତା କରିବେ ବୋଲି ଘୋଷଣା କରିଛନ୍ତି । ସମାଜବାଦୀ ପାର୍ଟି ଗଠନ ହେବା ପରଠାରୁ ଏହି ଆସନରୁ ଦଳ ୭ ଥରରୁ ୬ଥର ବିଜୟ ଲାଭ କରିଛି । ଗତ ତିନି ଦଶନ୍ଧି ଧରି ମଣିପୁରି ଜିଲ୍ଲାର କାରହାଲ ଆସନ ସମାଜବାଦୀ ପାର୍ଟିର ଗଡ ହୋଇ ରହିଛି । ତେଣୁ ପୂର୍ବରୁ ଆଜମଗଡରୁ ନିର୍ବାଚନ ଲଢିବେ ବୋଲି କହୁଥିବା ଅଖିଳେଷ ଏବେ ସପା ଗଡରୁ ନିର୍ବାଚନ ଲଢିବେ ବୋଲି ସ୍ପଷ୍ଟ କରିଛନ୍ତି ।
କରୋନା ପାଇଁ ଏବେ ର୍ୟାଲି ଓ ରୋଡ୍ ଶୋ ଉପରେ କଟକଣା ଲଗାଇଛନ୍ତି କଟକଣା । ଆସନ୍ତା ସପ୍ତାହ ପର୍ଯ୍ୟନ୍ତ ଏହି କଟକଣା ବଳବତର ରହିବ । ଯାହା ଫଳରେ ଲୋକଙ୍କ ପାଖରେ ପହଁଚିବାକୁ ଚେଷ୍ଟା ଚଳାଇଛନ୍ତି ନେତା ।