ଦିଲ୍ଲୀରେ ଚାଲିଲା ଯୋଗୀଙ୍କ ବୋଲଡୋଜର । ରୋହିଙ୍ଗ୍ୟା କ୍ୟାମ୍ପ ଭାଙ୍ଗି ଖାଲି କଲେ ୧୫୦ କୋଟିର ଜମି
କନକ ବ୍ୟୁରୋ : ରାଜଧାନୀ ଦିଲ୍ଲୀର ମଦନପୁର ଅଞ୍ଚଳରେ ଯୋଗୀ ସରକାର ବଡ ଆକ୍ସନ ନେଇଛନ୍ତି । ଦିଲ୍ଲୀ ମଦନପୁର ଅଞ୍ଚଳରେ ଥିବା ୟୁପି ସରକାରଙ୍କ କିଛି ଜମି ଉପରେ ବେଆଇନ ଭାବେ ଦଖଲ କରି କ୍ୟାମ୍ପ କରିଥିବା ରୋହିଙ୍ଗ୍ୟାଙ୍କ କ୍ୟାମ୍ପଙ୍କୁ ଭାଙ୍ଗି ଦେଇଛି ୟୁପି ପୋଲିସ । ଏହି ଜମି ୟୁପି ସରକାରଙ୍କ ଜଳସେଚନ ବିଭାଗର ହୋଇଥିବାରୁ ଏହାକୁ ଖାଲି କରିଛନ୍ତି ଯୋଗୀ ସରକାର ।
Kanak News is now on WhatsApp
Join and get latest news updates delivered to you via WhatsApp
ମଦନପୁର ଅଞ୍ଚଳରେ ସକାଳ ୪ ଟାରୁ ଆରମ୍ଭ ହୋଇଥିଲା ଉଚ୍ଛେଦ ପ୍ରକ୍ରିୟା । ଏଠାରେ ପୋଲିସ ତରଫରୁ ବୋଲଡୋଜର ସହାୟତାରେ ୫.୨୧ ଏକର ଜମି ଦଖଲ କରାଯାଇଛି । ଏହି ଜମିର ଆନୁମାନିକ ମୂଲ୍ୟ ୧୫୦ କୋଟି ଟଙ୍କା ହେବ ବୋଲି କୁହାଯାଇଛି ।
दिल्ली में फिर से चला योगी का बुल्डोजर,
योगी सरकार की दिल्ली में बड़ी कार्यवाही,
मदनपुर खादर में सुबह 4 बजे ही कार्यवाही कर सिंचाई विभाग की भूमि पर अवैध कब्जे से रोहंगिया केम्पों को हटाया गया एवं अवैध कब्जे तोड़े गए
उ.प्र.सिंचाई विभाग की 2.10 हेक्टेयर जमीन मुक्त कराई। pic.twitter.com/OIgvOmMqFF
— Dr. Mahendra Singh (@bjpdrmahendra) July 22, 2021
କହିରଖୁ କି ଉତ୍ତରପ୍ରଦେଶ ସରକାର ଦ୍ୱାରା ଏଭଳି ବେଆଇନ ଦଖଲ ଉପରୁ ଉଚ୍ଛେଦ କାର୍ଯ୍ୟ ଜାରି ରହିଛି । କହିରଖୁ କି ଦିଲ୍ଲୀ ଅଞ୍ଚଳରେ ଉତ୍ତରପ୍ରଦେଶ ସରକାରଙ୍କ ଜଳସେଚନ ବିଭାଗର କିଛି ଜମି ରହିଛି । ଓଖଲା, ମଦନପୁର,ଖାଦର, ଆଲି, ଜୈତପୁର,ମୋଲରବନ୍ଦ ଅଞ୍ଚଳରେ ଏହି ଜମି ରହିଛି ।
ୟୁପି ସରକାରଙ୍କ ଜଳସେଚନ ମନ୍ତ୍ରୀ ମହେନ୍ଦ୍ର ସିଂ ଦ୍ୱାରା ବି ଏହି ଉଚ୍ଛେଦ ବେଳର ଭିଡିଓ ଟ୍ୱିଟ କରାଯାଇଛି । କହିରଖୁ କି ଦିଲ୍ଲୀର କାଳିନ୍ଦୀ କୁଞ୍ଜ ମେଟ୍ରୋ ଷ୍ଟେସନ ଅଞ୍ଚଳରେ ବହୁ ସଂଖ୍ୟାରେ ରୋହିଙ୍ଗ୍ୟା ଶରଣାର୍ଥୀମାନେ କ୍ୟାମ୍ପ କରି ରହୁଛନ୍ତି । ଅନ୍ୟପଟେ ଉତ୍ତପ୍ରଦେଶ ସରକାର କିଛି ମାଫିଆ ମାନଙ୍କ ଦଖଲରେ ଥିବା ସରକାରୀ ଜମି ବି ଦଖଲ କରିଛନ୍ତି । ଏହାସହ ବେଆଇନ ନିର୍ମାଣକୁ ନେଇ ବି ଯୋଗୀ ସରକାର ପୁରା ଆକ୍ସନ ମୋଡରେ ଅଛନ୍ତି ।
ସୂଚନା ଥାଉକି ଦେଶରେ ରୋହିଙ୍ଗ୍ୟା ଶରଣାର୍ଥୀଙ୍କୁ ନେଇ ବାରମ୍ବାର ବିବାଦ ଦେଖା ଦେଇଛି । କେନ୍ଦ୍ର ସରକାର ସେମାନଙ୍କ ଅନୁପ୍ରବେଶ ଉପରେ କଡା କାର୍ଯ୍ୟାନୁଷ୍ଠାନ ନେଉ ନଥିବା ବେଳେ ସେମାନଙ୍କ କ୍ୟାମ୍ପ ଭାଙ୍ଗି ଯୋଗୀ ସରକାର ପ୍ରମାଣ କରିଛନ୍ତି କି ଭାରତରେ ଶରଣାର୍ଥୀ ମାନଙ୍କ ପାଇଁ କୌଣସି ସ୍ଥାନ ନାହିଁ ।