ଭାରତର ଅସନ୍ତୋଷ ଆମେରିକାର ଅଧିକାରୀଙ୍କ ଉପରେ ପ୍ରଭାବ ପକାଉଛି, କେଜ୍ରିୱାଲଙ୍କ ବିଷୟରେ ଆଉ ଦେବେନାହିଁ ବିବୃତି ।

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀକୁ ଆମେରିକା, ଜର୍ମାନୀ ଏବଂ ମିଳିତ ଜାତିସଂଘର ଅଧିକାରୀମାନେ ସମାଲୋଚନା କରିଥିଲେ। ଏହା ପରେ ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ କଡା ଆଭିମୁଖ୍ୟ ଗ୍ରହଣ କରି ଚେତାବନୀ ଦେଇଛି ଯେ ଅନ୍ତର୍ଜାତୀୟ ସମୁଦାୟ ଭାରତର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରିବା ଉଚିତ ନୁହେଁ, ଯଦି ଏହା ଜାରି ରହେ ତେବେ ଦୃଢ ପ୍ରତିକ୍ରିୟା ଦିଆଯିବ ।

ଏହି ମନ୍ତବ୍ୟଗୁଡିକ ବିଷୟରେ ଜଣେ ପାକିସ୍ତାନୀ ମୂଳ ସାମ୍ବାଦିକ ଆମେରିକୀୟ ଅଧିକାରୀଙ୍କୁ ପଚାରିଥିଲେ ଯେ ଆମେରିକା ଭାରତୀୟ ବିରୋଧୀଙ୍କୁ ସମର୍ଥନ କରେ କିନ୍ତୁ ପାକିସ୍ତାନ ବିରୋଧୀ ଦଳ ପାଇଁ କିଛି କହିନାହିଁ । ଏହାର ଉତ୍ତର ଦେବାବେଳେ ଆମେରିକାର ଅଧିକାରୀଙ୍କ ମୁହଁରେ ଭାରତର ଚେତାବନୀ ଭୟ ସ୍ପଷ୍ଟ ଦେଖାଯାଉଥିଲା ।

ପାକିସ୍ତାନୀ ସାମ୍ବାଦିକଙ୍କ ପ୍ରଶ୍ନ

ଏକ ସାମ୍ବାଦିକ ସମ୍ମିଳନୀରେ ପାକିସ୍ତାନୀ ମୂଳ ସାମ୍ବାଦିକ ପଚାରିଥିଲେ, ଆମେରିକା ଭାରତୀୟ ବିରୋଧୀଙ୍କ ପାଇଁ ସ୍ୱର ଉତ୍ତୋଳନ କରୁଛି କିନ୍ତୁ ପାକିସ୍ତାନୀ ବିରୋଧୀଙ୍କ ପାଇଁ ଏହା ଦେଖାଯାଉ ନାହିଁ କାହିଁକି ? ଯେତେବେଳେ କି ପାକିସ୍ତାନରେ ମହିଳା ସମେତ ଅନେକ ରାଜନୈତିକ ନେତା ଜେଲରେ ଅଛନ୍ତି । ଏହାର ଉତ୍ତରରେ ମୁଖପାତ୍ରଙ୍କର କିଛି କହି ପାରିନଥିଲେ ।  ସେ ଉତ୍ତର ଦେଇଛନ୍ତି ଯେ ଆମେରିକାର ଷ୍ଟାଣ୍ଡ ସବୁ ଦେଶ ପାଇଁ ସମାନ। ଅନେକ ଥର ଆମେ ପାକିସ୍ତାନ ପାଇଁ ମଧ୍ୟ ସମାନ ସ୍ୱର ଉତ୍ତୋଳନ କରିଛୁ ।

ଜେଲ ଭିତରେ ପାକିସ୍ତାନୀ ବିରୋଧୀଦଳ

ବର୍ତ୍ତମାନ ପାକିସ୍ତାନରେ ମଧ୍ୟ ଅନେକ ବିରୋଧୀଦଳ ନେତା ଜେଲରେ ଅଛନ୍ତି । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ତଥା ପିଟିଆଇର ପ୍ରତିଷ୍ଠାତା ଇମ୍ରାନ ଖାନ ଦୀର୍ଘ ଦିନ ଧରି ଜେଲରେ ଅଛନ୍ତି । ପାକିସ୍ତାନ ନିର୍ବାଚନ ସମୟରେ ଅନେକ ପିଟିଆଇ ନେତା ଜେଲରେ ଅଛନ୍ତି । ଯାହାକୁ ଆମେରିକା ବିରୋଧ କରି ନାହିଁ ଏବଂ ନିକଟରେ ଆମେରିକା ରାସ୍ତାପତି ବାଇଡେନ ପାକିସ୍ତାନର ନୂତନ ପ୍ରଧାନମନ୍ତ୍ରୀଙ୍କ ସହ ଫୋନରେ କଥା ହୋଇ ସମ୍ପର୍କର ଉନ୍ନତି ବିଷୟରେ କହିଥିଲେ।

ଦିଲ୍ଲୀର ମଦ ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଗିରଫ କରାଯାଇଛି । ବୁଧବାର କୋର୍ଟ ଏହାର ନିଷ୍ପତ୍ତି ସଂରକ୍ଷିତ ରଖିଥିବା ଶୁଣାଣି ପରେ ସେ ଗିରଫ ଏବଂ ରିମାଣ୍ଡରେ ନେଇ ହାଇକୋର୍ଟରେ ଏକ ପିଟିସନ ଦାଖଲ କରିଥିଲେ। ଆଜି ଏପ୍ରିଲ ୪ ତାରିଖରେ ତାଙ୍କ ଆବେଦନ ଉପରେ ଦିଲ୍ଲୀ ହାଇକୋର୍ଟ ଏହାର ରାୟ ଦେଇପାରିବେ। ଏହା ବ୍ୟତୀତ ମୁଖ୍ୟମନ୍ତ୍ରୀ ପଦରୁ ହଟାଇବାକୁ ଆବେଦନ କରାଯାଇଥିବା ଆବେଦନ ମଧ୍ୟ ଆଜି ଶୁଣାଣି ହେଉଛି।