କନକ ବ୍ୟୁରୋ: ଆମେରିକାରେ ରାଷ୍ଟ୍ରପତି ନିର୍ବାଚନ ପାଇଁ ରିପବ୍ଲିକାନ ପ୍ରାର୍ଥୀ ହେବାର ଦାବିଦାର ଥିବା ବିବେକ ରାମସ୍ୱାମୀ ବଡ ଘୋଷଣା କରିଛନ୍ତି । ସେ ଘୋଷଣା କରିଛନ୍ତି ଯଦି ସେ ୨୦୨୪ରେ ରାଷ୍ଟ୍ରପତି ନିର୍ବାଚିତ ହୁଅନ୍ତି ତେବେ ସେ ବ୍ୟବସାୟୀ ଏଲନ ମସ୍କଙ୍କୁ ନିଜ ପ୍ରଶାସନର ପରାମର୍ଶଦାତା ନିଯୁକ୍ତ କରିବାକୁ ଚାହିଁବେ । ସ୍ଥାନୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁସାରେ ଶୁକ୍ରବାର ଆୟୋବାରେ ଅନୁଷ୍ଠିତ ଟାଉନ ହଲରେ ତାଙ୍କୁ ପ୍ରଶ୍ନ କରାଯାଇଥିଲା ଯେ ଯଦି ସେ ରାଷ୍ଟ୍ରପତି ନିର୍ବାଚିତ ହୁଅନ୍ତି ତେବେ ସେ କାହାକୁ ନିଜର ପରାମର୍ଶଦାତା ନିଯୁକ୍ତ କରିବାକୁ ଚାହିଁବେ । ଏହାର ଜବାବରେ ସେ କହିଛନ୍ତି ଏଲନ ମସ୍କ ।