ସିଙ୍ଗାପୁରରେ ହାତ ମିଳାଇଲେ ଟ୍ରମ୍ପ ଓ କିମ ଜଙ୍ଗ: ସରିଲା ଦ୍ୱିତୀୟ ପର୍ଯ୍ୟାୟ ବୈଠକ, ଟ୍ରମ୍ପ କହିଲେ,ଆଶାଠୁ ଅଧିକ ସଫଳ ହେଲା ଆଲୋଚନା
କନକ ବ୍ୟୁରୋ: ବିଶ୍ୱର ୨ ଜଣ ପ୍ରମୂଖ ନେତା ତଥା ଆମେରିକାର ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ଉତର କୋରିଆ ରାଷ୍ଟ୍ରପତି ଶାସକ କିମ ଜଙ୍ଗ ଉନଙ୍କ ଦ୍ୱିତୀୟ ପର୍ଯ୍ୟାୟ ସାକ୍ଷାତ ଶେଷ ହୋଇଛି । ଉଚ୍ଚସ୍ତରୀୟ ପ୍ରତିନିଧିଙ୍କ ଉପସ୍ଥିତିରେ ଉଭୟଙ୍କ ମଧ୍ୟରେ ଆଲୋଚନା ହୋଇଛି । ବୈଠକ ଆଶାଠୁ ଅଧିକ ସଫଳ ହୋଇଥିବା ଆଲୋଚନା ପରେ ଟ୍ରମ୍ପ କହିଛନ୍ତି । ପ୍ରଥମ ପର୍ଯ୍ୟାୟରେ ଉଭୟଙ୍କ ମଧ୍ୟରେ ୫୦ ମିନିଟ ଧରି ଆଲୋଚନା ହୋଇଥିଲା । ସିଙ୍ଗାପୁରର ସେଂଟୋସା ଦ୍ୱୀପରେ ଟ୍ରମ୍ପ ଓ କିମ ଜଙ୍ଗଙ୍କ ମଧ୍ୟରେ ଭେଟ ହେବା ପରେ ଉଭୟ ଦେଶର ନେତା ହାତ ମିଳାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଭୟ ଦେଶର ନେତାଙ୍କ ମଧ୍ୟରେ ହୋଇଥିବା ଭେଟକୁ ଐତିହାସିକ କୁହାଯାଉଛି, କାରଣ ଆମେରିକାର କୌଣସି ରାଷ୍ଟ୍ରପତି ଉତରକୋରିଆର ନେତାଙ୍କୁ ଭେଟିବା ଏହା ହେଉଛି ପ୍ରଥମ ଘଟଣା ।ଅନ୍ୟପକ୍ଷରେ କ୍ଷମତାର ୭ ବର୍ଷ ପରେ କିମ ଜଙ୍ଗ ପ୍ରଥମ ଥର ପାଇଁ ଏତେ ବଡ ବିଦେଶ ଗସ୍ତ କରିଛନ୍ତି । ଏହି ଅବସରରେ ଡୋନାଲଡ ଟ୍ରମ୍ପ କହିଛନ୍ତି,ମୋର ବିଶ୍ୱାସ ଯେ,ଆମର ସଂପର୍କ ଶକ୍ତିଶାଳୀ ହେବ । ପୁରୁଣା ମତଭେଦ ଭୁଲି ଆମେ ଆଗକୁ ଅଗ୍ରସର ହେଉଥିବା ସେ କହିଛନ୍ତି ।ସେହିଭଳି କିମ ଜଙ୍ଗ କହିଛନ୍ତିି ସମସ୍ତ ବାଧାବିଘ୍ନକୁ ଭୁଲି ଆମର ସାକ୍ଷାତକାର ହୋଇଛି ଏପର୍ଯ୍ୟନ୍ତ ପହଚିଂବା ସହଜ ନଥିଲା ।
ଏଠାରେ ବଡ ପ୍ରଶ୍ନ ଉଠୁଛି, ବିଶ୍ୱର ଏହି ଦୁଇ ପ୍ରମୁଖ ନେତାଙ୍କ ସାକ୍ଷାତ ପରେ କଣ ଦୁଇଦେଶର ସମ୍ପର୍କ ସାମାନ୍ୟ ହୋଇପାରିବ । ତୃତୀୟ ବିଶ୍ୱଯୁଦ୍ଧର ଆଶଙ୍କା କଣ ଟଳିବ । ପରମାଣୁ ନିରସ୍ତ୍ରୀକରଣ ପାଇଁ ଉତର କୋରିଆ ରାଷ୍ଟ୍ରପତି କଣ ରାଜି ହେବେ । ସାକ୍ଷାତ ପରେ ଆମେରିକା ରାଷ୍ଟ୍ରପତି କହିସାରିଛନ୍ତି ବୈଠକ ସକାରତ୍ମକ ଥିଲା । ଉତର କୋରିଆ ରାଷ୍ଟ୍ରପତି ବି କହିଛନ୍ତି, ଏହି ସାକ୍ଷାତ ଏତେ ସହଜ ନଥିଲା । କୁହାଯାଉଛି, ଏହି ଦୁଇ ବିଶ୍ୱନେତାଙ୍କ ସାକ୍ଷାତ ପାଇଁ ଖର୍ଚ ହୋଇଛି ପ୍ରାୟ ଶହେ କୋଟି ଟଙ୍କା ।