କନକ ବ୍ୟୁରୋ: ହିନ୍ଦୁ ପର୍ବ ଦୀପାବଳିକୁ ଆମେରିକାରେ ସରକାରୀ ଛୁଟି ଦିବସ ଭାବେ ଘୋଷଣା କରିବା ଲାଗି ଶୁକ୍ରବାର ଦିନ ଜଣେ ବିଶିଷ୍ଟ ଆମେରିକୀୟ ସାଂସଦ ଆମେରିକା କଂଗ୍ରେସରେ ଚିଠା ଆଗତ କରିଛନ୍ତି।
ଏହି ଚିଠା ବା ‘ବିଲ୍’ ଆଗତ କରିଥିବା ମହିଳା କଂଗ୍ରେସ ସାଂସଦ ଗ୍ରେସ୍ଡ୍ ମେଙ୍ଗ୍ ଭର୍ଚ୍ୟୁଆଲ୍ ସାମ୍ବାଦିକ ସମ୍ମିଳନୀରେ କହିଛନ୍ତି, ସମଗ୍ର ବିଶ୍ବରେ କୋଟି କୋଟି ଜନତା ତଥା କୁଇନ୍ସ୍, ନ୍ୟୁୟର୍କ ଏବଂ ଯୁକ୍ତରାଷ୍ଟ୍ର ଆମେରିକାରେ ଥିବା ଅଗଣିତ ପରିବାର ଏବଂ ସମ୍ପ୍ରଦାୟଙ୍କ ଲାଗି ଦୀପାବଳି ହେଉଛି ସବୁଠୁ ଗୁରୁତ୍ବପୂର୍ଣ୍ଣ ଦିନମାନଙ୍କରୁ ଗୋଟିଏ ଦିନ ।
Today, I was proud to announce the introduction of the #Diwali Day Act, my bill that would make Diwali a federal holiday. Thank you to all my government colleagues and the many advocates who joined me to express their support.https://t.co/GPrnt92jM1
— Grace Meng (@RepGraceMeng) May 26, 2023
‘ଦି ଦିୱାଲି ଡେ ଆକ୍ଟ୍’ କଂଗ୍ରେସର ଅନୁମୋଦନ ଲାଭ କରିବା ପରେ ଆଇନରେ ପରିଣତ ହେବା ଲାଗି ରାଷ୍ଟ୍ରପତିଙ୍କ ସ୍ବାକ୍ଷର ପାଇଁ ପଠାଯିବ। ରାଷ୍ଟ୍ରପତି ସ୍ବାକ୍ଷର କଲେ ଆମେରିକାରେ ଦୀପାବଳି ହେବ ସରକାରୀ ସ୍ବୀକୃତିପ୍ରାପ୍ତ ୧୨ଶ ଛୁଟି ଦିବସ।